މަތިވެރި އިން އެންމެ ފުރަތަމަ ގުރުއާން ހިތު ދަސްކޮށް ހާފިޒުގެ ކަމުގެ ޝަރަފު ހޯދަފައިވަނީ އުމުރުން 13 އަހަރުގެ އިބްރާހީމް މުތީއު މުހައްމަދުއެވެ.
އޭނާ ގުރުއާން ހިތު ދަސްކޮށް ނިންމައި އިމްތިހާން ހަދައި ފާސްވީ އެއްވަނަ ދަރަޖައިގައެވެ. މުތީއު ހާފިޒުކަމުގެ އިމްތިހާނު ފުރިހަމަކޮށްފައި ވަނީ މަހަކާއި ފަސްދުވަހުންނެވެ.
މުތީއު ގުރުއާން ހިތު ދަސްކޮށް ނިންމައި އިމްތިހާން ހަދައި އެއްވަނަ ދަރަޖައިގަ ފާސްވެ ފާހަގަކޮށްލެވޭ ނަތީއާއެއް ހާސިލްކޮށްފައިވާތީވެ ހިތްވަރުދިނުމުގެ ގޮތުން އޭނާއާއި މަންމައާއި ބައްޕައާ އާއިލާ އާ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދި ވަނީ ބައްދަލުކުރައްވާފައެވެ.
ހާފިޒުގެ ކަމުގެ ޝަރަފު ހޯދަފައިވަނީ އުމުރުން 13 އަހަރުގެ އިބްރާހީމް މުތީއު މުހައްމަދާއި މިނިސްޓަރު ޝަހީމް ބައްދަލުކުރައްވަނީ
އއ. މަތިވެރީގައި ގުރުއާން ހިތުދަސްކޮށް ހާފިޒަކަށްވާ ކޮންމެ ކުއްޖަކަށް 50،000 ރުފިޔާގެ އިނާމެއް ދޭން އެ ރަށު ކައުންސިލުން ވަނީ ނިންމާފައެވެ.
މަތިވެރީގައި އަމިއްލަ ފަރާތަކުން ޕްރީ ސްކޫލަކާއެކު ޤުރުއާން ކުލާހެއް ހިންގަމުން ގެންދެއެވެ
ގުރުއާން ހިތުދަސްކޮށް ހާފިޒު ކަމުގެ ސަނަދު ހާސިލް ކުރެއްވި 24 ހާފިޒަކަށް ސަރުކާރުން ވަނީ އިނާމު ދެއްވާފައެވެ.
