ހައްޖު ކޯޕަރޭޝަނުން މިހެން ބުނެފައިމިވަނީ މި އަހަރު ހައްޖަށް ފުރާ މީހުންގެ އަދަދާއި ސަރުކާރުގެ ބޭނުމަށް ނެގި ހައްގު ކޯޓާގެ އަދަދު ހާމަ އެ ކޯޕަރޭޝަނުން ދެކޮޅު ހަދައިފައިވާކަމަށް މީޑިއާގައި ރިޕޯޓްކުރުމުންނެވެ.
ހައްޖު ކޯޕަރޭޝަން ބުނީ ރާއްޖެއިން މިއަހަރު ހައްޖަަށްދާ ހައްޖާޖީންގެ އަދަދާއި އެންމެފަހުގެ ތައްޔާރީތައް އަންނަ ހޯމަދުވަހު އާއްމުކުރާނެކަމަށެވެ. އެދުވަހަކީ މިއަހަރު ރާއްޖެއިން ހައްޖަށްދާ ދިވެހިންގެ ފުރަތަމަ ގްރޫޕް ފުރުމަށް ހަމަޖެހިފައިވާ ދުވަހަކެވެ.
ދިވެހި ހައްޖުވެރިން ފުރަން ހަމަޖެހިފައިވާ ދުވަސްތައް
- 26 މެއި / ހޯމަަދުވަސް
- 27 މެއި / އަންގާރަ ދުވަސް
- 29 މެއި / ބުރާސްފަތި ދުވަސް
- 30 މެއި / ހުކުރު ދުވަސް
މިއަހަރުވެސް ސައުދީ ސަރުކާރުން ރާއްޖެއަށް ދީފައިވަނީ 1000 މީހުންގެ ކޯޓާއެކެވެ. މީގެތެރޭގައި ސަރުކާރުގެ ހަރަދުގައި ހިލޭ ހައްޖަށް ގެންދާ 50 މީހުންވެސް ހިމެނެެެވެ. ދިވެހި ހައްޖާޖީން މިއަހަރު ސައުދީއަށް އުފުލުމަށް ނިންމާފައިވަނީ ގައުމީ އެއާލައިން، މޯލްޑިވިއަނުގައެވެ.
