ވަޒީރު އާދަމް ނަސީރު އިބްރާހީމް
މިނިވަން 60 ގެ ލޯގޯއަށް 30،000 ރުފިޔާގެ އިނާމެއް
އަހުމަދު ހަސަން
02 ޖޫން 2025 - 19:55:01
މި އަހަރަކީ ދިވެހިރާއްޖޭގެ މިނިވަންކަމަށް 60 އަހަރު ފުރޭ އަހަރު ކަމުގައިވާތީ މި އަހަރު އާންމުކޮށް ބޭނުންކުރާނެ ލޯގޯއެއް ފަރުމާ ކުރުމަށް، 30،000 ރުފިޔާގެ އިނާމަކާއެކު ގައުމިއްޔަތު މިނިސްޓްރީން ހުޅުވާލައިފި އެވެ.
Advertisement
އެ މިނިސްޓްރީން، މިނިވަން 60ގެ ލޯގޯ ފަރުމާކުރުމުގެ އުސޫލާއެކު މިއަދު ކުރި އިއުލާންގައި ބުނެފައިވަނީ ލޯގޯ ފަރުމާ ކުރެއްވުމަށްފަހު 15 ޖޫން 2025 ވާ އާދިއްތަ ދުވަހުގެ އޮފީސް ބަންދުކުރުމުގެ ކުރިން ހުށަހެޅުމަށެވެ.
އަދި ހުށަހަޅާ ލޯގޯތަކުގެ ތެރެއިން އެންމެ މޮޅު ލޯގޯއެއް ކަނޑައަޅާނީ ފަނޑިޔާރުންގެ ޕެނަލަކުން ކަމަށް މިނިސްޓްރީން ބުންޏެވެ. އަދި އެއްވަނައަށް ހޮވޭ ލޯގޯ ފަރުމާ ކުރާ ފަރާތަކަށް 30،000 ރުފިޔާގެ ފައިސާގެ އިނާމެއްވަނީ ހުށަހަޅާފަ އެވެ.
މިނިސްޓްރީން އާއްމުކޮށްފައިވާ އުސޫލުގައިވާ ގޮތުން، ލޯގޯ ފަރުމާ ކުރުމުގައި ބަލަން ޖެހޭ ކަންކަމުގެ ތެރޭގައި ދިވެހި ދައުލަތުގެ އެވޭލޭކަމާއި މިނިވަންކަމުގެ 60 އަހަރު ރަމްޒުކޮށްދިނުން ފަދަ ކަންކަން ހިމެނެ އެވެ.
0%
ކަމުގޮސްފި
100%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
