2025 ވަނަ ރާއްޖެއިން ހައްޖަށް ދިޔަ ހައްޖާޖީން: ފޮޓޯ މިނިސްޓަރު ޝަހީމް
ދިވެހި ހައްޖާޖީންނަށް މިނިސްޓަރުގެ ތައުރީފު
ގުފްތަގް އަޖީރު
08 ޖޫން 2025 - 15:16:08
މިއަހަރު ހައްޖުގެ އަޅުކަން އަދާކުރި ދިވެހި ހައްޖާޖީންގެ އިހުލާސްތެރިކަމާއި އަޅުކަމުގައި ފެންނަންޖެހޭ ރޫހު ވަރަށް ބޮޑަށް ފާހަގަކުރެވުނުކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
Advertisement
ދައުލަތުގެ މީޑިއާ މެދުވެރިކުރައްވައި މިނިސްޓަރު ވިދާޅުވި ގޮތުގައި މިއަހަރު ހައްޖަށް ގޮސްފައިވަނީ އުމުރުން ދުވަސްވީ މީހުން ކަމަށްވިޔަސް، އެންމެންގެ ކިބައިން ފެނިފައިވަނީ ހައްޖުގެ އަޅުކަން ފުރިހަމަ ގޮތުގައި އަދާކުރުމަށް އޮތް ވަރުގަދަ ރޫހެވެ.
ޑރ. ޝަހީމް ވިދާޅުވި ގޮތުގައި "މިއަހަރުގެ ހައްޖު އޮޕަރޭޝަންގެ އެންމެ ބޮޑު ކާމިޔާބީއަކީ ހައްޖުގެ އެންމެ މުހިންމު ރުކުންކަމުގައިވާ އަރަފާތުގައި ތިބުމުގެ އެންމެ ވަގުތުކޮޅެއްވެސް ހައްޖާޖީންނަށް ނުގެއްލި،" ލިބުމެވެ. މިނިސްޓަރު އިތުރަށް ވިދާޅުވީ ހުރިހާ ހައްޖާޖީންނަށް އަރަފާތުގައި މުޅި ދުވަސް ހޭދަކުރުމުގެ ފުރުސަތު ލިބުނު ކަމަށެވެ.
އަރަފާތަކީ ހައްޖުގެ އަޅުކަމުގެ އެންމެ މުހިންމު ރުކުން ކަމަށްވާއިރު، އަރަފާތް ނުލިބިއްޖެނަމަ ހައްޖު ފުރިހަމަ ނުވާނެއެވެ.
ބަލި ހާލުގައި ތިބި ހައްޖާޖީންނަށްވެސް އެންމެ ފުރަތަމަ ވަގުތު އަރަފާތަށް ވަދެވިފައިވާ ކަމަށް ޑރ. ޝަހީމް ވިދާޅުވިއެވެ.
މިނިސްޓަރު އިތުރަށް ވިދާޅުވި ގޮތުގައި މިއަހަރު ހައްޖަށް ދިޔަ ދިވެހިން ސައުދީގައި 18 ދުވަހާއި 19 ދުވަހަށް ތިބޭނެއެވެ. ފާހަގަކޮށްލެވޭ ކަމަކީ، މިއަހަރުގެ ހައްޖާޖީންގެ ތެރޭގައި އުމުރުން ދުވަސްވީ މީހުންނާއި ބޮޑެތި ބަލިތަކަށް ފަރުވާ ހޯދާ މީހުންވެސް ހިމެނޭ ކަމެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
