މި ދެ މީހުންނަކީ ރިއަލް ސްޓޭޓު ވިޔަފާރީގައި އުޅޭ ސިލޯމް ޖޭމްސް އަދި ސެކިއުރިޓީ ގާޑެއް ކަމުގައިވާ ބަލާ އަހިރްވާއެވެ. ޖޭމްސް ހައްޔަރުކުރެވުނީ ބޯޕާލަށް ފިލަން އުޅެނިކޮށް ބޮންރާސާ ޓޯލް ގޭޓުންނެވެ.
އީސްޓް ކާސީ ހިލްސް އެސްޕީ ވިވެކް ސީއެމް ބުނީ ޖޭމްސްއަކީ މި މައްސަލައިގެ މައިގަނޑު ތުހުމަތުކުރެވޭ މީހުންގެ ތެރެއިން އެކަކު ކަމުގައިވާ ވިޝާލް ސިންގް ޗައުހާނަށް ފުލެޓެއް ކުއްޔަށް ދިން މީހެއް ކަމަށާއި، ސީސީޓީވީ ފުޓޭޖުން ދައްކާގޮތުން ޖޭމްސްއަކީ ފިރިމީހާ މަރާލުމަށްފަހު ސޯނަމްގެ ފޮށި ފުލެޓުން ނެރެފައިވާ މީހެއް ކަމަށެވެ. މި ފޮށީގައި އަގުބޮޑެތި ގަހަނާ، ލެޕްޓޮޕް އަދި މަރުގެ ހާދިސާއާ ގުޅުންހުރި ހަތިޔާރެއް ވެސް ހިމެނޭކަމަށް ބެލެވެއެވެ.
ސޯނަމް އޭނާގެ ފިރިމީހާ ރާޖާ ރަގުވަންޝީ ހަނީމޫންގައި މަރާލާފައިވަނީ ރާޖް ކުޝްވާހާ އާއި ގުޅިގެން ކަމަށް ތުހުމަތުކުރެވޭ
މި ދެ މީހުން ހައްޔަރުކުރުމާއެކު މި މައްސަލައިގައި ހައްޔަރުކުރެވުނު މީހުންގެ އަދަދު 7 އަށް އަރާފައިވެއެވެ. މީގެ ތެރޭގައި ހިމެނެނީ އޭނާގެ އަނބިމީހާ ސޯނަމް ރަގުވަންޝީ، އަނބިމީހާގެ ލޯބިވެރިޔާ ކަމަށް ބެލެވޭ ރާޖް ކުޝްވާހާ އަދި އޭނާގެ 3 ރަހުމަތްތެރިންނާއި މި ރޭ ހައްޔަރުކުރެވުނު ދެ މީހެކެވެ.
ސޯނަމް އޭނާގެ ފިރިމީހާ ރާޖާ ރަގުވަންޝީ ހަނީމޫންގައި މަރާލާފައިވަނީ ރާޖް ކުޝްވާހާ އާއި ގުޅިގެން ކަމަށް ތުހުމަތުކުރެވެއެވެ. މަރުގެ ހާދިސާ ހިނގާފައިވަނީ މޭ 23 ވަނަ ދުވަހު ސޯރާގައި ހުރި ވައިސަވްދޮންގް ފޯލްސް ކައިރީގައެވެ. ރާޖާގެ ހަށިގަނޑު ހޯދިފައިވަނީ ޖޫން 2 ވަނަ ދުވަހު ކަމަށް ޕޮލިހުން ބުނެއެވެ.
