ހިޖުރީ އާ އަހަރުގެ މުނާސަބަތުގައި ފޮނުއްވި ހިތާބުގައި ރައީސް ވިދާޅުވީ ސަލާމާއި ސަލަވާތްލެއްވި އިތުރު ރަސޫލާގެ މާތް ސުންނަތުން ފެންނާން ހުރި ކޮންމެ ކަމަކީވެސް، ހުރިހާ ޒަމާނެއްގައި މުސްލިމުންގެ ތަމައްދުނަށް އަގުހުރި ފިލާވަޅުތަކެއް ކަމަށާއި މިފަދަ ކޮންމެ މުނާސަބަތެއްގައިމެ، ދިވެހި ރައްޔިތުން ޤަބޫލު ކުރަންވީ ހަގީގަތަކީ، ދިވެހީންގެ ސަލާމަތާއި ބާއްޖަވެރިކަން އޮތީ އިސްލާމްދީނުގެ ވާފަށުގައި ހިފަހައްޓައިގެން ކަމަށެވެ.
ރައީސް ވިދާޅުވީ މަދީނާއަށް ކީރިތި ރަސޫލާ ވަޑައިގެން އެންމެ އިސްކަން ދެއްވީ، މުހާޖިރިއްޔަ ބޭކަލުންނާއި އަންސާރުންގެ މެދުގައި މުއާހާތު ކުރައްވައި މުސްލިމުންގެ އެކުވެރިކަން ބަދަހިކުރައްވަން ކަމަށެވެ. އަދި މަދީނާގެ ސަރަހައްދުގައި ދިރިއުޅޭ އެހެން އަގީދާތަކުގެ އަހުލުވެރީންނާ އެކު ސުލްހައިގެ އެއްބަސްވުންތައް ގާއިމު ކުރައްވައި، އެކި ފިކުރުތަކުގެ މީހުންނާ ލާމެހި މަސަލަސްކަމާއެކު ދިރިއުޅުމުގެ ނަމޫނާ ދެއްކެވުމަށް ކަމަށް އެމަނިކުފާނު ވިދާޅުވި އެވެ.
ރަސޫލާގެ ސުންނަތުން ފެންނާން ހުރި ކޮންމެ ކަމަކީވެސް ހުރިހާ ޒަމާނެއްގައި މުސްލިމުންނަށް އަގުހުރި ފިލާވަޅުތަކެއް ކަމަށް ވެސް ރައީސް ވިދާޅުވި އެވެ.
