ފައިނުގައި ބުރާސްފަތި ދުވަހުގެ ރޭ ހިނގި ނުރައްކާތެރި އެކްސިޑެންޓުގައި އަނިޔާވި ދެ ދަރިވަރުންނާއި ޓީޗަރަކަށެވެ.
ދެ ކުދިން ވެންޓިލޭޓަަރުން ނެގި ނަމަވެސް ޓީޗަރު އަދިވެސް އޮތީ ވެންޓިލޭޓަރުގައެވެ. އަދި އޭނާގެ ހާލު ސީރިއަސްކަމަށް އައިޖީއެމްއެޗުން ބުނެެއެވެ. އެނގިފައިވާ ގޮތުގައި ޓީޗަރުގެ މޭގެ ބައެއް ކަށިތައް ވެސް ވަނީ ބިނދިފައެވެ.
ބުރާސްފަތި ދުވަހުގެ ރޭ ހިނގި ނުރައްކާތެރި އެކްސިޑެންޓްވީ 18 އަހަރުން ދަށުގެ ދެ ކުދިން ދުއްވި ސައިކަލެއް ކަސްރަތަށް ނުކުމެ އުޅުނު ބައެއްގެ ގައިގައި ޖެހިގެންނެވެ. މި ދެކުދިން ދުއްވި ސައިކަލް ޖެހިފައިވަނީ 49 އަހަރުގެ މީހެއްގެ ގައިގައެވެ. އެއީ އެ ރަށު ސްކޫލްގެ ޓީޗަރަކެވެ.
އެކްސިޑެންޓަށް ފަހު އެމީހުންނަށް އެންމެ ފުރަތަމަ ފަރުވާދިނީ ރ. އުނގޫފާރު ހޮސްޕިޓަލްގައެވެ. އެހެންނަމަވެސް އިތުރު ފަރުވާއަށް މާލެ ގެނައީ ހުކުރު ދުވަހުގެ ހެނދުނުއެވެ.
ހާދިސާގައި އެކްސިޑެންޓުވި ސައިކަލު ޓޯކޮށް، މައްސަލަ ތަހުގީގު ކުރަމުންދާ ކަމަށް ފުލުހުން ވަނީ ބުނެފަ އެވެ.
