އެތަނުން ދޭންވާނީ ހަމައެކަނި ގޯތި ކަމަށްވެސް އެ ޔޫނިއަނުން މިއަދު ބޭއްވި ނޫސްވެރިންގެ ބައްދަލުވުމެއްގައި ބުންޏެވެ.
އުތުރުތިލަފަޅު ޔޫނިއަނުން މިއަދު ބޭއްވި ނޫސްވެރިންގެ ބައްދަލުވުމުގައި ކެންދޫ ދާއިރާގެ ކުރީގެ މެންބަރު އަދި ގާނޫނީ ވަކީލު އަލީ ހުސައިން ވިދާޅުވީ، 300 އެއްހާ ކުދިން ރިހެބިލިޓޭޓު ކުރުމަށް 19,000 އާއިލާގެ އުންމީދު ގެއްލުވާލައިގެން ނުވާނެ ކަމަށެވެ. މީގެ އިތުރުން އުތުރުތިލަފަޅުން ގޯތި ނުދީ އެހެން ކަންކަން ކުރުމަކީ ބަލައިގަނެވޭނެ ކަމެއް ނޫން ކަމަށްވެސް އެ ޔޫނިއަނުން ފާހަގަކޮށްފައިވެއެވެ.
އުތުރު ތިލަފަޅު ޔޫނިއަން
އުތުރުތިލަފަޅުގައި ހޯޕް އައިލެންޑާއި ސެންޓްރަލް ޖަލު ހަދާ، އެއާއެކު މީހުން ދިރިއުޅުމަށް ގޯތި ދިނުމަށް ކުރަން ޖެހޭ ހަރަދު މާބޮޑުވާނެ ކަމަށް އަލީ ހުސައިން ވިދާޅުވިއެވެ. ދުނިޔޭގައި މީހުން ރިހެބިލިޓޭޓު ކުރުމަށް މަސައްކަތްކުރާ އުސޫލު ބަދަލުވެފައިވާއިރު، އެކަން ކުރަން ޖެހޭނީ ރަށްރަށް ހަދައިގެން އެކަހެރި ކޮށްގެން ނޫން ކަމަށް އޭނާ ގަބޫލުކުރައްވައެވެ. އެކަން ކުރަން ޖެހޭނީ މުޖުތަމައު އިންޓަގްރޭޓެޑް ކޮށްގެން ކަން އަލީ ހުސައިން ފާހަގަކުރެއްވިއެވެ. އުތުރުތިލަފަޅާ ގުޅުވައި ހުރި ކަންބޮޑުވުންތަކަށް ހައްލު ހޯދުމަށް ސަރުކާރާ މަޝްވަރާ ކުރާނެ ކަމަށް އެ ޔޫނިއަނުން ބުންޏެވެ.
