މިއީ ގަވާއިދާ ހިލާފަށް އެ މަގުތަކުގައި ޕާކުކޮށްފައި ހުރި އުޅަނދުތައްކަމަށް ފުލުހުން ބުނެއެވެ.
ފުލުހުން ހިއްސާކުރި މައުލޫމާތުގައިވާ ގޮތުން މަޖީދީ މަގުން ޓޯކޮށްފައިވަނީ 216 ސައިކަލާއި 2 ކާރެވެ. އަދި ބޮޑުތަކުރުފާނު މަގުން ޓޯކޮށްފައިވަނީ 164 ސައިކަލާއި 38 ކާރެވެ. އަދި ތަކުރާރުކޮށް ގަވާއިދާ ހިލާފަށް ޕާކުކުރުމުގެ ސަބަބުން އިތުރު އެއް ސައިކަލާއި އެއް ކާރު ވެސް ޓޯކޮށްފައިވެއެވެ. މަޖީދީ މަގުގައި ގަވާއިދާ ހިލާފަށް ޕާކުކޮށްފައި ހުންނަ އުޅަނދުތައް ޓޯކުރާނެކަން ފުލުހުން ހާމަކުރީ މިދިޔަ މަހު 12 ވަނަ ދުވަހުއެވެ. އަދި ޖޫން 19 ވަނަ ދުވަހު ބޮޑުތަކުރުފާނު މަގުން ވެސް ގަވާއިދާ ހިލާފަށް ޕާކުކުރާ އުޅަނދުތައް ޓޯކުރާނެކަން އިއުލާންކޮށްފައިވެއެވެ.
ވެރިކަންކުރާ މާލޭގައި ގަވާއިދާ ހިލާފަށް ޕާކުކުރުމުގެ މައްސަލައަކީ ވަރަށް ބޮޑުވެފައިވާ މައްސަލައެކެވެ. އިސްލާމިކް ޔުނިވަސިޓީ އޮފް މޯލްޑިވްސް (އައިޔޫއެމް) އިން ހެދި ދިރާސާއަކުން ދައްކާގޮތުން، މާލޭ ސަރަހައްދުގައި ރެޖިސްޓްރީކޮށްގެން ދުއްވޭނެކަމަށް ކަނޑައަޅަން ފެންނަ އުޅަނދުގެ އަދަދަށްވުރެ އިތުރަށް 30،000 އުޅަނދު މާލޭ ސިޓީގައި މިހާރު ވެސް ދުއްވަމުން އަންނަކަމަށް ފާހަގަކޮށްފައިވެއެވެ. އެ ދިރާސާގައި ވަނީ ސައިކަލުގެ އަދަދު 76،518 އަށް، އަދި ކާރުގެ އަދަދު 5،610 އަށް މަދުކުރުމަށް ލަފާދީފައެވެ.
