އާސަންދަ ސްކީމްގެ ހިދުމަތް ދިނުމަށް ތައިލެންޑުގެ ބެންކޮކް ހޮސްޕިޓަލްއާ އެކު އެއްބަސްވުމުގައި ސޮއިކުރުމުގެ ތެރެއިން
ތައިލެންޑުން ފަރުވާ ހޯދަން 33 މީހަކަށް އެންސްޕާއިން އެހީ ދީފި
މުހައްމަދު އާދަމް އަހްމަދު
06 ޖުލައި 2025 - 15:22:39
މިއަހަރުގެ މިހާތަނަށް އެންސްޕާ މެދުވެރިވެގެން ތައިލެންޑުން ބޭސްފަރުވާ ހޯދަން 33 މީހަކަށް އެހީ ދީފައިވާ ކަމަށް އާސަންދަ ކުންފުނިން ބުނެފިއެވެ.
Advertisement
ޔޫއޭއީ އަދި ތައިލެންޑުން ބޭސްފަރުވާކުރަން އާސަންދް ހަމަޖައްސައިދިނުން އެއީ ރައީސް ޑރ. މުއިއްޒުގެ ވައުދެކެވެ.
އާސަންދައިން ބުނީ މިއަހަރުގެ ފުރަތަމަ ފަސް މަސްދުވަހުގެ ތެރޭގައި ބެންކޮކުން ބޭސް ފަރުވާ ހޯދަން 33 މީހަކަށް އެހީ ދީފައިވާކަމަށެވެ. އެ ފަރާތްތަކަށް އެހީ ހަމަޖައްސާދިނީ އެންސްޕާއިންކަމަށާއި އެ މީހުންގެ ފަރުވާއަށް 1.5 މިލިއަނަށް ވުރެ ގިނަ ރުފިޔާ ހަރަދު ކޮށްފައިވާކަމަށް އާސަންދައިން ބުނެއެވެ.
އާސަންދައިން ބުނީ އެކަކު މިހާރު ވެސް ތައިލެންޑުގެ ވެރިރަށް ބެންކޮކްގައި ފަރުވާ ހޯދަމުންދާކަމަށެވެ. އަދި އިތުރު ދެ މީހަކު ފަރުވާއަށް އެ ގައުމަށް ފޮނުވަން ހަމަޖެހިފައިވާކަމަށް އާސަންދައިން ބުނެއެވެ.
އާސަންދައިން ބުނީ ޔޫއޭއީ އަދި ތައިލެންޑުން ފަރުވާ ހޯދަން އުސޫލެއް އެކުލަވާލާފައިވާ ކަމަށެވެ. އަދި އެ އުސޫލުގެ ދަށުން މީހުން ފޮނުވަމުން އަންނަކަމަށެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
