އަބްދުﷲ ރިފާއު--
ރައީސްގެ ދައުރު 50 އަހަރަށް ދަންމާލެވިދާނެކަމަށް ބުނުމުން ބޮޗޭ ހޫނުފެނަށް!
ގުފްތަގް އަޖީރު
09 ޖުލައި 2025 - 17:02:54
މާފަންނު ދެކުނު ދާއިރާގެ މެންބަރު އަބްދުﷲ ރިފާއު (ބޮޗޭ) ގެ ބަހުން، ސަރުކާރު ހިންގާ ޕީޕަލްސް ނެޝަނަލް ކޮންގްރެސް (ޕީއެންސީ) އަށް ބޭނުންވެއްޖެނަމަ ރައީސުލްޖުމްހޫރިއްޔާގެ ދައުރު 15 އަހަރަށް ނުވަތަ 50 އަހަރަށް ވެސް ދަންމާލެވިދާނެ ކަމަށް ބުމުމުން އޭނާއަށް ފާޑުކިޔުންތައް އަމާޒުވެފައިވެއެވެ.
Advertisement
ބޮޗޭ މި ވާހަކަތައް ދެއްކީ ބުދަ ދުވަހު އޮތް ރައްޔިތުންގެ މަޖިލީހުގެ ޖަލްސާގައި، ރައްޔިތުންގެ ހިޔާލު ހޯދުމުގެ އާންމު ވޯޓު ނެގުމުގެ ބިލަށް ބަހުސްކުރަމުންނެވެ.
އޭނާ ދެއްކި ވާހަކައިގައި ރައްޔިތުންގެ މަޖިލީހުގައި ޕީއެންސީގެ މެޖޯރިޓީ އޮތް ގޮތުން ގާނޫނުއަސާސީގެ ކޮންމެ މާއްދާއަކަށް ވެސް އިސްލާހު ގެނެސް، އޭގެ ނާޖާއިޒު ފައިދާ ނެގިދާނެ ކަމަށް ބުންޏެވެ.
"އަޅުގަނޑުމެންގެ މިތާ މި ތިއްބަވާ ޕީއެންސީގެ މެމްބަރުން ބޭނުންފުޅު ކަމަށް ވަންޏާ، ރައީސުލްޖުމްހޫރިއްޔާގެ ޓާމު ވެސް ދުއްވާލެވިދާނެ. ރައީސުލްޖުމްހޫރިއްޔާގެ ޓާމަކީ ފަނަރަ އަހަރަށް ވެސް ހެދިދާނެ، މިވަގުތު ގާނޫނުއަސާސީ އޮތް ގޮތުން،" ބޮޗޭ ވިދާޅުވިއެވެ. އަދި މިތާ ތިބި މެމްބަރުން ބޭނުން ކަމަށް ވަންޏާ، 50 އަހަރަށް ވެސް ދައުރު ބަދަލު ކޮށްލެވިދާނެ ކަމަށް އިތުރަށް ފާހަގަކުރެއްވިއެވެ.
ބޮޗޭގެ ވާހަކަތަކާ ގުޅިގެން ގިނަ ބަޔަކު އަންނަނީ އޭނާއަށް ފާޑުކިޔަމުންނެވެ. އޭގެ ތެރޭގައި ސަރުކާރަށް ތާއީދު ކުރާ ބައެއް މީހުން ވެސް ބުނަމުން އަންނަނީ ޑިމޮކްރަސީއާ ދުރު މިފަދަ "ހުދުމުތާރު ކަމަށް ތާއީދު ކުރާ" ވާހަކަތައް ދެއްކުމަކީ ބަލައިގަނެވޭނެކަމެއް ނޫންކަމަށެވެ.
75%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
25%
ވަރަށް ސަލާމް
ކޮމެންޓްސް
