ސަލްމާން ރަސްގެފާނު މިސްކިތުގެ ތިންވަނަ ފަންގިފިލާގައި ޤާއިމްކޮށްފައިވާ އިސްލާމީ ކުތުބުހާނާ ހުޅުވާފައިވަނީ ޒަމާނީ ފެންވަރަށް ތަރައްގީކޮށް ތަނުގެ ބޭނުން ކުރާ ފަރާތްތަކަށް ހިތްފަސޭހަ މާހައުލަކަށް ހެދުމަށްފަހުކަމަށް އިސްލާމިކް މިނިސްޓްރީން ބުނެއެވެ. އަދި މި ކުތުބުހާނާގައި 15،000 އަށްވުރެ ގިނަ ފޮތް މިވަގުތުވެސް ބެހެއްޓިފައި ހުންނާނެކަމަށްވެސް އިސްލާމިކް މިނިސްޓްރީން ބުނެއެވެ.
ސަލްމާން މިސްކިތުގައި ހުޅުވި އިސްލާމީ ކުތުބުހާނ
އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވީ އިސްލާމިކް ލައިބްރަރީގައި ކިޑްސް ކޯނާ އަކާއި އިސްލާމިކް ބޭންކިން އާއި އިސްލާމިކް ފައިނޭންސް ހާއްސަ ކޯނަރެއް ވަރަށް އަވަހަށް ޤާއިމު ކުރެވޭނެކަމަށެވެ. އަދި ރަސްމީ ގަޑިތަކުގެ އިތުރުން ހަވީރާއި ދެ ނަމާދު ދޭތެރެއާއެކު ރޭގަނޑު 9.30 ވަންދެން އިސްލާމިކް ލައިބްރަރީ ހުޅުވިފައި ހުންނށާނެކަމަށްވެސް މިނިސްޓަރު ވިދާޅުވިއެވެ. މީގެއިތުރުން އަތޮޅުތެެރޭ ހުރި އިސްލާމިކް ސެންޓަރުތަކުގައިވެސް މިއަހަރު ލައިބްރެރީ ހުޅުވާނެކަމަށް މިނިސްޓަރު ޝަހީމް ވިދާޅުވިއެވެ.
ސަލްމާން މިސްކިތުގައި ހުޅުވި އިސްލާމީ ކުތުބުހާނާ
މި ކުތުބުހާނާ ހުޅުވާފައި ވަނީ ދިވެހި ލައިބްރަރީ ދުވަހާ ދިމާކޮށެވެ. އިސްލާމީ މަރުކަޒުތަކުގައި ކުތުބުހާނާތައް ގާއިމްކުރުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ.
