މި އިވެންޓް ބޭއްވުމަށް ހަމަޖެހިފައިވަނީ ޖުލައި މަހުގެ 13، 14 އަދި 15 ވަނަ ދުވަހުއެވެ. އިވެންޓުގެ ވަގުތުތަކަކީ ހެނދުނު 10:00 އިން 12:00 އަށް އަދި މެންދުރުފަހު 14:00 އިން 16:00 އަށެވެ.
މި އިވެންޓްގައި ދަރިވަރުންނަށް ލިބިދޭ ހިދުމަތްތަކުގެ ތެރޭގައި ވަގުތުން ސެޓްފިކެޓްތައް އެޓެސްޓް ކޮށްދިނުމާއި، ކެރިޔާ ކައުންސެލިން، އިސްލާމިކް ކައުންސެލިން އަދި ލީގަލް ކައުންސެލިންގެ ހިދުމަތްތައް ހިމެނެއެވެ. އައިޔޫއެމްގެ ހޯލުގައި ބޭއްވޭ މި އިވެންޓަކީ ދަރިވަރުންނަށް ވަރަށް ފަސޭހައިން އެޑްމިޝަންގެ ހުރިހާ ކަމެއް އެއްތަނަކުން ފުރިހަމަކުރުމަށް ލިބޭ ފުރުސަތެކެވެ.
އިވެންޓުގައި ބައިވެރިވާން ބޭނުންވާ ފަރާތްތަކުން ގެންނަންޖެހޭ ތަކެތީގެ ތެރޭގައި ދަރިވަރުންގެ ސެޓްފިކެޓްތަކާއި، ޕާސްޕޯޓް ފޮޓޯ، ޓްރާންސްކްރިޕްޓް އަދި އައިޑީ ކާޑު ފަދަ މުހިންމު ލިޔެކިޔުންތައް ހިމެނެއެވެ. އައިޔޫއެމްއިން ބުންޏެވެ.
