ފުލުހުން މީޑިއާތަކާ ހިއްސާކުރި މެސެޖެއްގައި ބުނީ، މާމިގިލީ ކައިރިއަށް މިއަދު މެންދުރު ހަތަރު ކުދިން ފީނަން ދިޔަ ކަމަށާއި އޭގެ ތެރެއިން އެއް ކުއްޖަކު ގެއްލިފައިވާ މައްސަލަ 19:00ހާއިރު ރިޕޯޓުކޮށްފައިވާ ކަމަށެވެ.
އެ ކުއްޖާ ހޯދުމުގެ މަސައްކަތް ފުލުހުންނާއި އެމްއެންޑީއެފާއި ރަށު ރައްޔިތުން ކުރި އެވެ.
ފުލުހުން ބުނި ގޮތުގައި، އެ ކުއްޖާ ގެއްލުނީ އިތުރު ތިން ކުދިންނާ އެކު މިއަދު މެންދުރުގެ ވަގުތެއްގައި ފީނަން ގޮސް އުޅެނިކޮށެވެ.
އެ ކުއްޖާ ހޯދުމުގެ މަސައްކަތް ރަށުގެ ރައްޔިތުންނާއި ފުލުހުންނާއި އެމްއެންޑީއެފުން ވެސް ކުރަމުން ދަނިކޮށް، އެ ކުއްޖާ ފެނުނީ މޫދު އަޑިންނެވެ.
މާމިގިލިން ވާހަކަ ދެއްކި މީހާ ބުނި ގޮތުގައި، އެ ކުދިން ފީނަން ފޭބީ ހަވީރު ކަމަށް ވެ އެވެ. އޭނާ ގެއްލުނު ކަން ރިޕޯޓްކުރީ އަނެއް ތިން ކުދިންނެވެ.
