ނ. ހެނބަދޫ ރައްޔިތުންނާއި ރައީސް މުއިއްޒު ބައްދަލުކުރައްވަނީ
ހެނބަދޫ ބިން ހިއްކަން ނޮވެމްބަރުގައި ފަށާނަން: ރައީސް
މުހައްމަދު އާދަމް އަހްމަދު
21 ޖުލައި 2025 - 16:32:23
ހެނބަދޫގެ ފަޅުން ބިން ހިއްކުމުގެ މަޝްރޫއުގެ އަމަލީ މަސައްކަތް މިއަހަރުގެ ނޮވެމްބަރުމަހުގެ ތެރޭގައި ފަށާނެކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
Advertisement
އެމަނިކުފާނު މިހެން ވިދާޅުވީ މިހާރު ނ. އަތޮޅަށް ކުރައްވަމުން ގެނަދަވާ ދަތުރުފުޅުގައި މިއަދު ހެނބަދޫ ރައްޔިތުންނާއި ބައްދަލުކުރައްވާ ވާހަކަފުޅު ދައްކަވަމުންނެވެ.
ރައީސް ވިދާޅުވީ ހެނބަދޫ ފަޅުން ހިއްކެއް އޮތީ ހަތްވަރަކަށް ހެކްޓަރުކަމަށެވެ. އެހެންނަމަވެސް އެއީ ރަށުގެ ތަރައްގީއާއި ބޯހިޔާވަހިކަމަށް މުހިއްމު ސަރަހައްދެއްކަން ރައީސް މުއިއްޒު ފާހަގަކުރެއްވިއެވެ.
" ބިން ހިއްކާ ނިމޭއިރު ތޮށި ވަރަށް ކައިރިވާނެ ކަނޑާ. އެހެންވީމަ ބަލަންޖެހޭ ކަންކަން އެބަހުރި. ސެޕްޓެމްބަރަށް ދާއިރު ކޮންޓެކްޓަރަކާ މަޝްރޫއު ހަވާލުކުރެވޭނެ. އަދި ނޮވެމްބަރު މަހު ހަތްވަނަ ބެޗުގެ މަޝްރޫއުތަކުގެ އަމަލީ މަސައްކަތް ފެށޭނެ. އެހެންވީމަ ހެނބަދޫގެ ބިން ހިއްކުންވެސް ފެށޭނެ". ރައީސް މުއިއްޒު ވިދާޅުވިއެވެ.
ރަށްރަށުގެ ބިންހިއްކުމުގެ ހަ ބެޗުގެ މަސައްކަތް މިހާތަނަށް ހަވާލުކުރެވިފައިވާކަމަށާއި، ހަތްވަނަ ބެޗުގެ މަސައްކަތް މި އަހަރު ސެޕްޓެމްބަރު ފެށޭނެކަމަށްް ރައީސް މުއިއްޒު ވިދާޅުވިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
