ރާއްޖެއިން އިންޑިއާއެކު 8 އެއްބަސްވުމެއްގައި މިއަދު ސޮއިކޮށްފިއެވެ.
Advertisement
ރައީސް އޮފީހުގައި ބޭއްވި ރަސްމިއްޔާތެއްގައީ މި އެއްބަސްވުންތަކުގައި ސޮއިކުރީ ދެ ގައުމުގެ އެންމެ އިސްވެރިން މިއަދު ބޭއްވި ރަސްމީ މަޝްވަރާތަކަށްފަހުއެވެ.
މި ރަސްމިއްޔާތުގައި ރަައީސް ޑރ. މުހައްމަދު މުއިއްޒާއި އިންޑިއާގެ ބޮޑުވަޒީރު ނަރަންދުރަ މޯދީވެސް ބައިވެރިވެޑައިގަތެވެ. މި އެއްބަސްވުންތައް ބަދަލުކޮށްފައި ވަނީ ރައީސް ޑރ. މުހައްމަދު މުއިއްޒާއި ބޮޑުވަޒީރު މޯދީގެ ހާޒިރުގައެވެ.
ސޮއިކުރި އެއްބަސްވުންތައް
- ރާއްޖެއާއި އިންޑިއާއާ ދެމެދުގައި މިނިވަން ވިޔަފާރީގެ އެއްބަސްވުމެއް ޤާއިމުކުރުމަށް މަޝްވަރާތައް ފެށުމާއި ގުޅޭ އެއްބަސްވުން
- 565 މިލިޔަން ޑޮލަރުގެ ލައިން އޮފް ކްރެޑިޓް ފްރޭމް ވޯކް އެއްބަސްވުން
- ޑޮލަރު ކްރެޑިޓު ލައިން އެއްބަސްވުން
- މަސްވެރިކަމާއި އެކުއަކަލްޗާގެ ދާއިރާއިން ގުޅުން ބަދަހިކުރުމުގެ އެއްބަސްވުން
- ކޮލިޓީ ބޭސް ފޯރުކޮށްދިނުމާ ގުޅޭ އެއްބަސްވުން
- މޫސުމާބެހޭ ޢިލްމާއި، ޖައްވުގެ ޢިލްމާއި، ތިމާވެށި މޮނިޓަރކުރުމުގެ ދާއިރާއިން އޮނިގަނޑެއް ޤާއިމުކުރުމާ ބެހޭ އެއްބަސްވުން
- ޑިޖިޓަލް ދާއިރާއިން ގުޅުން ބަދަހިކުރުމާގުޅޭ އެއްބަސްވުން
- ކްރޮސް ބޯޑާ ރެމިޓެންސް އެއްބަސްވުން
އިންޑިއާގެ ފަރާތުން މި ހުރިހާ އެއްބަސްވުމެއްގައިވެސް ސޮއިކުރެއްވީ އެކްސްޓާނަލް އެފެއާޒް މިނިސްޓަރު ޑރ. އެސް ޖައިޝަންކަރުުއެވެ. ރާއްޖޭގެ ފަރާތުން ސޮއިކުރެއްވީ އެ ދާއިރާއެއްގެ މިނިސްޓަރެވެ.
