ކުރީގެ ރައީސް އިބްރާހިމް މުހައްމަދު ސާލިހް
މިނިވަންކަން އޮންނަން ރައްޔިތުންގެ ފުދުންތެރިކަން އިތުކުރަންޖެހޭ: ސާލިހް
މުހައްމަދު އާދަމް އަހްމަދު
26 ޖުލައި 2025 - 07:36:01
މިނިވަންކަމުގައި ދެމި އޮންނަން ރައްޔިތުންގެ ފުދުންތެރިކަން އިތުކުރަންޖެހޭކަމަށް ކުރީގެ ރައީސް އިބްރާހިމް މުހައްމަދު ސާލިހް ވިދާޅުވެއްޖެއެވެ.
Advertisement
ރައީސް ސާލިހް މިހެން ވިދާޅުވީ މިއަދު ފާހަގަކުރާ ރާއްޖޭގެ މިނިވަންދުވަހާއި ގުޅިގެން އެދުވަހު ތަހުނިޔާ ކިޔުއްވާ އެކްސްގައި ކުރެއްވި ޕޯސްޓެއްގައެވެ.
ރައީސް ސާލިހްގެ ތަހުނިޔށާ މެސެގުގައި ވަނީ މިނިވަންކަމަށް 60 އަހަރު ފުރޭ މއުފާވެރި ދުވަހުގެ ތަހުނިޔާ އެންމެހާ ދިވެހި ރައްޔިތުންނަށް އަރިސްކުރައްވާފައެވެ. އެމަނިކުފާނު ވިދާޅުވީ ފުރިހަމަ މިނިވަން ގައުމެއްގެ ގޮތުގައި ދެމި އޮތުމަށް، ގައުމާއި ރައްޔިތުންގެ ފުދުންތެރިކަން އިތުރު ކުރުމަކީ ކުރަންޖެހޭކަމަށެވެ. އަދި ދިވެހިންނަކީ އަބަދުވެސް ދިވެހިންގެ ކަންކަމުގައި ފަހުބަސް ބުނެ އަމިއްލައަށް ގޮތް ނިންމާ ބައެއްކަން ސާލިހް ފާހަގަކުރެއްވިއެވެ.
"އަޅުގަނޑުމެން ދިވެހީންނަކީ އަބަދުވެސް އަޅުގަނޑުމެންގެ ކަންކަމުގައި އެންމެ ފަހު ބަސް ބުނާ، ގައުމިއްޔަތުގެ ނަވުގެ މަންޒިލު އަމިއްލަ އަށް ކަނޑައަޅާ އަދި އަޅުގަނޑުމެންގެ ކުރިމަގު އަމިއްލައަށް ކޮށާ ބައްޓަންކުރާ ބަޔެއްގެ ގޮތުގައި އަބަދުމެ ލައްވާށި." ރައީސް އިބޫ އެްކްސްގައި ކުރެއްވި ޕޯސްޓުގައިވެއެވެ.
އިނގިރޭސީންގެ ހިމާޔަތުގައި އޮތުމަށް ފަހު ދިވެހިރާއްޖެއަށް ސިޔާސީ ފުރިހަމަ މިނިވަންކަން ލިބުނު އެއްބަސްވުމުގައި ސޮއިކުރީ 1965 ވަނަ އަހަރުގެ ޖުލައިމަހުގެ 26 ވަނަ ދުވަހުއެވެ. މިއަހަރަކީ ރާއްޖޭގެ މިނިވަންކަމަށް 60 އަހަރު ފުރޭ އަހަރެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
