އެ މިނިސްޓްރީން ބުނީ އޮޅުހިޔާ ފެސިލިޓީ ފަށައިގަނެވުނު އިރު، އެތަނުގެ ކަރަންޓީން ޖާގައިގައި، ކަރަންޓީން ކުރެވޭނެ ވަސީލަތެއް ނެތުމުން ކޭޖްތައް ތައްޔާރުކޮށް ފުރަތަމަ ވެއްދުނީ 15 ބުޅާކަމަށެވެ. އަދި އޭގެ ފަހުންވެސް އެކި ފަހަރުމަތިން ބުޅާތައް ވަނީ ފެސިލިޓީއަށް ނަގާފައއިވާކަމަށާއި ކަރަންޓީންގައި ވަކި މުއްދަތެއް ވަންދެން ބުޅާތައް ބައިތިއްބަން ޖެހޭކަމަށްވެސް މިނިސްޓްރީން ބުނެއެވެ.
ދިރޭތަކެއްޗާ ބެހޭ މިނިސްޓްރީން ބުނީ އޮޅުހިޔާ ފެސިލިޓީ ޖާގަ އެކި ފަހަރުމަތިން އިތުރު ކުރަމުން ގޮސް މިހާރު އެއްފަހަރާ 100 ބުޅާ ކަރަންޓީން ކުރެވޭވަރަށް ޖާގަ ވަނީ އިތުރުކޮށްފައިކަމަށެވެ.
މޫސުމް ގޯސްވުމާއި އެކު، މަސައްކަތް މެދުކެނޑިފައި އޮތުންމަށްފަހު އިއްޔެ އެ މަސައްކަތް އަލުން ފެށިއިރު ކަރަންޓީންގައި ތިބި 34 ބުޅަލުގެ ތެރެއިން 19 ބުޅާ، ވަނީ ކޮށިތަކަށް ބަދަލުކޮށްފައިކަމަށް މިނިސްޓްރީން ބުނެއެވެ. އަދި ޖުމްލަ ފެސިލިޓީއަށް، 75 ބުޅާވަނީ ނެގިފައިވާކަމަށްވެސް މިނިސްޓްރީން ބުނެއެވެ.
އޮޅު ހިޔާއަށް ގެންދިޔުމަށް ބުޅާތައް މަގުތަކުން ނަގަނީ
ކަރަންޓީން މަރުހަލާ ނިމުމަށްފަހު ބުޅާތައް ލާންޖެހޭ ކޮށިތަކުގައި އިތުރަށް ފުރިހަމަ ކުރަންޖެހޭ މަސައްކަތްތައްވެސް އަންނަނީ ކުރަމުންނެވެ.
