ފަހަކަށް އައިސް ސަރުކާރަށް ވަަރަށް ބޮޑަށް ފާޑު ވިދާޅުވަމުން ގެންދަވާ އައްބާް އެކްސްގައި ކުރެއްވި ޕޯސްޓެއްގައި ވިދާޅުވީ ކުރިއަށް އޮތް މަދު ދުވަސްކޮޅެއްގެ ތެރޭގައިި ޕީ.އެން.ސީ ގެ 13 ނުވަތަ 14 މެންބަރުން ގޮޑި ގެއްލުނަސް ހެޔޮކަމަށް ނިންމަވާ ގައުމާއި، ރައްޔިތުންގެ ހައްގުގައި ޕީ.އެން.ސީ ދޫކޮށް ރައްޔިތުންގެ ފަޅިއަށް އަރާނެކަމީ ޔަގީން ކަމެއް ކަމަށެވެ.
އައްބާސް އެ ޕޯސްޓުގައި ވިދާޅުވީ ޕީ.އެން.ސީ ޕީޖީ ގްރޫޕް ގެ ބައްދަލުވުމެއް މިދިޔަ ބުދަ ދުވަހު ބޭއްވި ކަމަށާއި، އެ ބައްދަލުވުމުގައި މެމްބަރުންގެ ކަންބޮޑުވުންތައް ހިއްސާކުރިކަމަަށެެވެ. އަދި މެމްބަރުންނާއި މަޝްވަރާ ކުރުމެއް ނެތި ކުއްލި ކުއްލިއަށް މަޖލިސްއަށް ފޮނުވާ ބިލްތަކަށް ވޯޓް ނުދެއްވާނެކަމަށް މެމްބަރުން ވިދާޅުވިކަމަށް އައްބާސް އެކްސްގައި ކުރެއްވި ޕޯސްޓުގައި ވެއެވެ.
އައްބާސް
އައްބާސް ވިދާޅުވީ ގިނަ މެމްބަރުންތަކެއް ސަރުކާރުގެ ދެއުޅި އެއްނުވާ އޮއްޓަރެއް ނެތް ސިޔާސަތުތަކަށް ފާޑު ވިދާޅުވިއިރު އެންމެ ބޮޑަށް ހިތްހަމަ ނުޖެހުން ފާޅު ކުރެއްވި މެމްބަރަކީ ފުވައްމުލަކު ދެކުނު ދާއިރާގެ މެމްބަރު އިބްރާހީމް ހުސައިން (އިއްބެ) ކަން އައްބާސް ވަނީ ފާހަގަ ކުރައްވާފަ އެވެ.
ވެރިކަން ކުރާ ޕީއެންސީގެ ކޯލިޝަންގައި ހިމެނުނު އެމްޑީއޭގެ މެމްބަރު އައްބާސް ގެންދަވަނީ ފަހަކަށް އައިސް ސަރުކާރަށް ވަރަށް ބޮޑަށް ފާޑު ވިދާޅުވަމުންނެވެ. އަދި ވެލިދޫއަށް ރައީސް މުއިއްޒު ދާދި ފަހުން ކުރެއްވި ޒިޔާރަތުގައި ވިދާޅުވީ އެ ދާއިރާގެ ކަންކަން ތަރައްގީގެ ކުރަން ކުރާ މަސައްކަތައް ދާއިރާގެ މެމްބަރުގެ އެހީތެރިކަން ނުލިބޭކަމަށެވެ.
