އޭނާ ބޭނުންވާ ފަދަ ރޯލުތަކެއް ނުލިބުމުގެ ސަބަބުން ވަރަށް ބޮޑަށް ހިތްހަމަނުޖެހި، މާޔޫސްވެފައި ހުރި ކަމަސް ޒީޝާން އައްޔޫބު ބުންޏެވެ.
މި ދަތި ދުވަސްވަރު ޒީޝާން އައްޔޫބު މަސައްކަތްކުރަމުން ދިޔައީ ބޮލީވުޑްގެ ސުޕަސްޓާރު ޝާރުކް ހާނާއެކު "ރައީސް" އަދި "ޒީރޯ" މި ދެ ފިލްމުގަ އެވެ. ޝޫޓިން ތެރޭގައި ޒީޝާންގެ ހިތްހަމަނުޖެހުމާއި މާޔޫސީކަން ޝާރުކްއަށް ފާހަގަ ވުމުން ޝާރުކް އޭނާއަށް ހިތްވަރުދީ، އޭނާގެ ހުނަރުގެ އަގު ވަޒަންކުރެވޭނެކަން ހަނދާންކޮށްދިން ކަމަށް އޭނާ ބުނެ އެވެ. އަދި ހިތްވަރު ދޫކޮށްނުލުމަށް ނަސޭހަތްތެރިވި ކަމަށް ވެސް އޭނާ ބުނެ އެވެ.
އެކްޓިންގެ ދާއިރާއާ ދުރުވެގަންނަން އޭނާ ކުރި ނިންމުން އަނބުރާލައި، އަލުން އުއްމީދާއެކު މަސައްކަތް ފެށި ކަމަށް ވެސް ޒީޝާން ބުނެ އެވެ. ޝާރުކްގެ ހިތްވަރުދިނުމުގެ ސަބަބުން ޒީޝާން އަށް ކުރިއަށް ދިއުމުގެ މަގު ފަހިވެގެން ދިޔަ ކަމަށް އޭނާ ބުނެ އެވެ.
