މ.އަފްޒާ 6 ވަނަ ފަންގިފިލާގައި ރޯވެ ގެއްލުން ލިބިފައި
މާލޭގެ ގެއެއްގައި ރޯވެ އެކަކު ވަގުތީ ހިޔާތަކަށް ބަދަލުކޮށްފި
މުހައްމަދު އާދަމް އަހްމަދު
24 އޯގަސްޓް 2025 - 10:50:07
މާލޭގެ ގެއެއްގައި ރޯވެ އެކަކު ވަގުތީ ހިޔާއަކަށް ބަދަލުކޮށްފައިވާކަމަށް ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) ބުނެފިއެވެ.
Advertisement
މިއަދު ހެނދުނު އަލިފާނުގެ ހާދިސާއެއް ހިނގާފައިވަނީ މ.އަފްޒާ 6 ވަނަ ފަންގިފިލާގައެވެ. މި ހާދިސާގައި އެއްވެސް މީހަކަށް އަނިޔާއެއް ލިބިފައެއް ނުވެއެވެ.
އެހެންނަމަވެސް މި ހާދިސާގެ ސަބަބުން ދުމާއި، އަލިފާނުގެ ސަބަބުން އެކިވަރުގެ ގެއްލުން އެ އެޕާޓްމަންޓަށް ލިބިފައިވާކަމަށް އެންޑީއެމްއޭއިން ބުނެއެވެ. އެ އިދާރާއިން ބުނީ އެޕާޓްމަންޓަށް ލިބުނު ގެއްލުމުގެ ސަބަބުން އެތަނުގައި ދިރިއުޅެމުންދިޔަ އަންހެނަކު ފަސް ދުވަހުގެ މުއްދަތަށް ވަގުތީ ބޯހިޔާވަހިކަމާއި ކެއިންބުއިމުގެ ހަރަދު ހަމަޖައްސާފައިވާކަމަށެވެ.
އެމްއެންޑީއެފް ފަޔާ އެންޑް ރެސްކިޔު ސާވިސް އިން ބުނީ މި އަލިފާނުގެ ހާދިސާގެ ރިޕޯޓް ލިބުނީ މިއަދު 07:43 ހާއިރުކަމަށެވެ. ހާދިސާގެ މައުލޫމާތު ލިބުމާ އެކު، އެމްއެންޑީއެފް ފަޔާ އެންޑް ރެސްކިޔު ސާވިސްގެ ފަޔާ ފައިޓަރުން ވަނީ އެ ސަރަހައްދަށް ގޮސް، ރޯވި އަލިފާން ނިއްވާލައިފައކަމަށް އެމްއެންޑީއެފުން ބުނެއެވެ. ފަޔާ ފައިޓަރުން ކުރި މަސައްކަތުން އޭސީ އައުޓްޑޯ ޔުނިޓުގައި ރޯވި އަލިފާން ނިއްވާލެވުނީ މިއަދު 07:59 ހާއިރުކަމަށް އެމްއެންޑީއެފް ބުނެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
