ޗައިނާގެ ބޭންކަކުން 142 މިލިއަން ޑޮލަރު ހޯދައިގެން އެމްޑީޕީ ސަރުކާރުން ފެށި އެ މަޝްރޫއުގެ އެއްވެސް މަސައްކަތެއް މި ސަރުކާރުން ކުރިއަށް ގެންގޮސްފައެއް ނުވެ އެވެ. އޭގެ ބަދަލުގައި ވަރަށް ފަހުން ވަނީ، އެ ރަށުގައި ހަލާލު ޓޫރިޒަމް ކުރިއަށް ގެންދަން ނިންމާފަ އެވެ.
އެކްސްގައި ކުރެއްވި ޕޯސްޓެއްގައި ފައްޔާޒު ވިދާޅުވީ އައްޑުއަށް އިގްތިސޯދީ ތަރައްގީ ގެނެސް، އިންޓަގްރޭޓެޑް ޓޫރިޒަމް ތައާރަފްކުރަން ފަށަން އޮތް އެ މަޝްރޫއު ސަރުކާރުން ބާތިލްކުރުމަކީ، އައްޑޫގެ ކުރިއެރުމަށް އެޅުނު ވަރަށް ބޮޑު ހުރަހެއް ކަމަށެވެ. އަދި އޭގެ ސަބަބުން ސަރުކާރުން ބޮޑު ބަދަލެއް ދައްކަން ޖެހި، އައްޑުއަށް ތަރައްގީ ގެންނަން ވަގުތުތަކެއް ބޭކާރުވީ ކަމަށް ވެސް ވިދާޅުވި އެވެ.
ހަންކެޑެ މަޝްރޫއު ހުއްޓާލަން ޖެހުނު ސަބަބެއް، އެހެން މަޝްރޫއުތަކުގައި ވެސް ކަންކުރަމުން އަންނަ އުސޫލުން، މި ސަރުކާރުން ނުބުނެ އެވެ.
