ފަލާހް ވަނީ ނޫސްވެރިން އަނިޔާވެރިކޮށް މަރަން ގޮވާލާ އިންޒާރު ދީފައި
ފަލާހް މައްސަލަ ބަލާނެކަމަށް ރައީސް ވިދާޅުވެއްޖެ
މުހައްމަދު އާދަމް އަހްމަދު
28 އޯގަސްޓް 2025 - 16:51:54
ނޫސްވެރިން "އުލުބައިންދަންވީ" ކަމަށް ވިދާޅުވެ ޕީއެންސީގެ ޕީޖީ ގްރޫޕްގެ ލީޑަރު އަދި ރައްޔިތުންގެ މަޖިލީހުގެ އިނގުރައިދޫ ދާއިރާގެ މެމްބަރު އިބްރާހިމް ފަލާހު ގޮވާލި މައްސަލަ ބަލާނެކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
Advertisement
ނޫސްވެރިން އަނިޔާވެރި ގޮތަކަށް މަރުގެ އަދަބު ދިނުމަށް ގޮވާލާ ފަލާހު ނޫސްވެރިންނަށް ހަރުކަށި އިންޒާރު ދިފައި ވަނީ ދައުރުން ބޭރުގައި އިއްޔެ ބޭއްވި ޖަލްސާގައި ވާހަކަ ދައްކަވަމުންނެެވެ.
'މީޑިއާ ކޮންޓްރޯލް' ބިލާ ގުޅިގެން ނޫސްވެރިން ވަނީ ރައީސް އޮފީސް ކުރިމަތީ އިހްތިތާޖުކޮށްފައެވެ. ރައީސް މުއިއްޒު އޮފީސް ނިންމަވައި ރައީސް ގެއަށް ވަޑައިގެން ވަގުތު ނޫސްވެރިން ވަނީ ރައީސް ގެކޮޅަށް ވަދެވަޑައިގަންނަވަންދެން ސުވާލުކުރަމުން ފަހަތުން ގޮސްފައެވެ.
ނޫސްވެރިން ވަނީ ފަލާހް ދެއްކި ވާހަކަތަކާއި ގުޅިގެންވެސް ސުވާލުކޮށްފައެވެ. އެ ސުވަލުތަކަށް ރައީސް ދެއްވީ ވަރަށް ކުރު ޖަވާބެކެވެ.
'އަޅުގަނޑު އެކަން ބަލާނަން' ރައީސް ވިދާޅުވިއެވެ.
ފަލާހް ދެއްކި ވާހަކަތަކާއި ގުޅިގެން އެ މައްސަލަ ބަލަދިނުމަށް ނޫސްވެރިންގެ ޖަމިއްޔާ (އެމްޖޭއޭ) ވަނީ ފުލުހުން ހުށައަޅާފައެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
