އެމެނިކުފާނު މިހެން ވިދާޅުވީ މެލޭޝިއާގެ މިނިވަން ދުވަހުގެ މުނާސަބަތުގައި އެގައުމުގެ ރަސްގެފާނު ސުލްތާން އިބްރާހިމް އާއި އެގައުމުގެ ބޮޑުވަޒީރު އަންވަރު އިބްރާހިމަށް ތަހުނިޔާ ވިދާޅުވެ އެކްސްގައި ކުރެއްވި ޕޯސްޓެއްގައެވެ.ރައީސްގެ މެސެޖުގައި ވިދާޅުވީ މެލޭޝިއާ އަކީ ރާއްޖޭގެ އެކުވެރި އަދި އެހާމެ އަގުހުރި ބައިވެރިއެއް ކަމަށެވެ. އަދި ދެ ގައުމުގެ ސަރުކާރާއި އަދި ރައްޔިތުންގެ މެދުގައި ވަރުގަދަ ގުޅުމެއް އޮތްކަން ފާހަގަކުރައްވަމުން އެމަނިކުފާނު ވިދާޅުވީ މި ގުޅުން އިތުރަށް ވަރުގަދަކުރަން މެލޭޝިއާއާއެކު ގާތުން މަސައްކަތް ކުރުމަށް އުއްމީދުކުރައްވާ ކަމަށެވެ.
ރައީސް މުއިއްޒު ވަނީ މިދިޔަ އޭޕްރީލް މަހުގެ ތެރޭގައި މެލޭޝިއާ އަށް ރަސްމީ ދަތުރުފުޅެއް ކުރައްވާފައެވެ. ދަތުރުފުޅުގައި ދެ ގައުމުގެ ވެރިން ދެއްވި ޕްރެސް ސްޓޭޓްމަންޓްގައި ވިދާޅުވީ ދިވެހިރާއްޖެ އާއި މެލޭޝިއާ އާއި ދެމެދު މިހާރަށްވުރެވެސް ބޮޑަށް ގުޅިގެން މަސައްކަތްކުރުމަށް ޢަޒުމުކަނޑައަޅާފައިވާކަމަށެވެ.
އެ ދަތުރުފުޅުގެ ސަބަބުން ކުރިއަށް އޮތް އަހަރުތަކުގައި ދެޤައުމުގެ ގުޅުން އިތުރަށް ހަރުދަނާ ކުރާނޭ މަގު ކޮށިގެން ހިނގައްޖެކަމުގައި ރައީސް މުއިއްޒު ވަނީ ވިދާޅުވެފަ އެވެ.
