މަރަދޫފޭދޫއަށް ނަގޫރޯޅިއެއް އަރައި ގެއްލުން ލިބިފައިވާ ގެއެއް
ފުރާޅު އެއްލާލި ގެތަކަށް އެހީވާން ފަށައިފިން: އެންޑީއެމްއޭ
މުހައްމަދު އާދަމް އަހްމަދު
08 ސެޕްޓެމްބަރ 2025 - 11:42:57
އައްޑޫ، މަރަދޫފޭދޫއަށް ނަގޫރޯޅިއެއް އަރައި ފުރާޅު އެއްލާލާ ގެއްލުން ލިބުނު ގެތަކަށް އެހީވާން ފަށައިފިކަމަށް ނޭޝަނަލް ޑިޒާސްޓާ މެނޭޖްމަންޓް އޮތޯރިޓީން ބުނެފިއެވެ.
Advertisement
މިއަދު ހެނދުނު އައްޑޫ ސިޓީ މަރަދޫފޭދޫއަށް ނަގޫރޯޅިއެއް އަރައި 7 ގެއެއްގެ ފުރާޅު އެއްލާލާފައިވާކަމަށް އައްޑޫ ސިޓީ ކައުންސިލުން ވަނީ ބުނެފައެވެ.
އެންޑީއެމްއޭއިން ބުނީ މިއަދު އައްޑޫ ސިޓީ މަރަދޫ ފޭދޫއަށް ނަގޫ ރޯޅިއެއް އަރާ ގެެއްލުން ލިބުނު 6 ގެއަށް ބޭނުންވާ އެހީތެރިކަން ފޯރުކޮށްދިނުމުގެ މަސައްކަތް ކައުންސިލާއި ގުޅިގެންއެ އިދާރާއިން މިހާރު ކުރަމުން އަންނަކަމަށެވެ.
މަރަދޫފޭދޫއަށް ނަގޫރޯޅިއެއް އަރައި ގެއްލުން ލިބިފައިވާ ގެއެއް
ސީއެންއެމްއާ ވާހަކަ ދައްކަވަމުން އައްޑޫ ސިޓީ ކައުންސިލް މެމްބަރު ހާލިދާ މުހައްމަދު ވިދާޅުވީ މިއަދު ހެނދުނު 08:40 ގައި ވަރަށް ބޯކޮށް ވާރޭވެހި ވަރަށް ވައިގަވެ ގެތަކެއްގެ ފުރާޅު އެއްލާލާފައިވާ ކަމަށެވެ. އެ ގޮތުން 7 ގެއެއްގެ ފުރާޅު އެއްލާޕާފައިވާކަމަށާއި އޭގެތެރެއިން އެއް ގެއެއްގެ ފުރާޅުގެ އެއްބައި އެއްކޮށް އެއްލާލާފައިވާކަމަށް ކައުންސިލް މެމްބަރު ހާލިދާ މުހައްމަދު ވިދާޅުވިއެވެ. އަދި އެރަށު ހިނަވާގޭ ފުރާޅު އެއްކޮށް އެއްލާލާ، ފުރާޅު ފެނުނީވެސް މާ ދުރުންކަމަށް އޭނާ ވިދާޅުވިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
