އެކްޝަން ފިލްމެއްގެ ގޮތުގައި ފާހަގަކުރެވޭ މި ފިލްމު ދައްކަން ފެށި ދުވަސްކޮޅު ރަނގަޅު އާމްދަނީއެއް ހޯދި ނަމަވެސް، ހަފްތާ ބަންދު ނިމުމާއެކު އާމްދަނީ ވަރަށް ބޮޑަށް ދަށަށް ގޮސްފައިވާ ކަމަށް ރިޕޯޓް ތަށް ބުނެ އެވެ.
މި ފިލްމާ މެދު ބޮޑެތި އުންމީދުތަކެއް ބާއްވާފައިވީ ނަމަވެސް އަދި މަގުބޫލު އެކްޓަރަކު ލީޑް ރޯލު ކުޅެފައިވީ ނަމަވެސް، އުންމީދުކުރެވުނު މިންވަރަށް ފިލްމުގެ ކަންތައްތައް ކުރިއަކަށް ނުދާ ކަމަށް ވެސް ރިޕޯޓް ތަކުން ބުނެއެވެ.
ފިލްމުގެ އާމްދަނީ ދަށްވުމުގެ އަނެއް ސަބަބަކީ މި ވަގުތު ސިނަމާތަކުގައި ދައްކަމުންދާ އެހެން ފިލްމުތަކުގެ ވަރުގަދަ ވާދަވެރިކަމަން ކަމަށް ވެސް ރިޕޯޓް ތަކުން ބުނއެވެ.
އަދި މި ގޮތުން މަގުބޫލު ހޮލީވުޑްގެ ހޯރަރް ފިލްމަކަށް ބޮޑު ތަރުހީބެއް ލިބި ގިނަ ބަޔަކު ބަލަމުންދާކަން ފާހަގަކޮށްލެވޭ ކަމަށާއި "ބާގީ4" ބޮޑު ކާމިޔާބީއެއް ހޯދާނެ ކަމަށް، ހާއްސަކޮށް އެކްޝަން ފިލްމުތަކަށް ލޯބިކުރާ ފަރާތްތަކުން އުންމީދުކުރި ފިލްމެއް ކަމުގައި ވިޔަސް، އެ އުންމީދުތައް ފުއްދައެއް ނުލެވުން ކަމަށްވެސް ރިޕޯޓް ތަކުން ބުނެ އެވެ.
