ހުޅެލޭގައި މަސައްކަތް ކުރާ މުވައްޒަފުންނާއި އާންމުންގެ އުޅަނދުތައް ޕާކު ކުރުމަމުން އައި އެ ސަރަހައްދު ބަންދުކުރީ އެއާޕޯޓްގެ އާ ތާމިނަލް ހުޅުވުމާއި ދިމާކޮށެވެ. ހުޅުލޭގެ އިރުމަތީ ފަރާތުގައި އޮންނަ ޕާކިން ޒޯނު ބަންދުކުރީ 17 ޖުލައި އިން ފެށިގެންނެވެ.
އެ ސަރަހައްދުގެ ޕާކިން ބަންދުކުރުމުން ބައެއް ފަރާތްތަކުގެ ޝަކުވާރތައް ބޮޑުވިއެވެ. ސަބަބަކީ ޕާކުރާނެ ސަރަހައްދެއް ނެތުމާއި އެއާޕޯޓުން ޓެކްސީ ލިބުމުގައި ދަތިތައް ހުރުމުން އެ އާޕޯޓަށް ދަތުރުކުރަން އުނދަގޫވުމެވެ.
އެމްއެސީއެލުން މުވައްޒަފުންނަށް ފޮނުވި ސާކިއުލާއެއްގައި ބުނީ، ވީއައިއޭގެ އާ ޓާމިނަލްގެ ހުޅަނގު ފަރާތުގައިވާ ސަރަހައްދު ޕާކިން ޒޯނެއްގެ ގޮތުގައި ބޭނުންކުރުމަކީ އެއާޕޯޓުގެ ސަލާމަތާއި ރައްކާތެރިކަމަށް އެކަށީގެންވާ ގޮތެއް ނޫން ކަމަށް ފެންނާތީ، އެ ސަރަހައްދަށް ބަދަލުތައް ގެނައުމަށް އެއާޕޯޓުގެ މާސްޓާޕްލޭންގައި ހިމަނާފައި ވާނެ ކަމަށެވެ.
އެހެންނަމަވެސް ޕާކިން ނެތުމުން ދިމާވާ ދަތިތަކަށް ހައްލެއް ހޯދައިދިނުމުގެ ގޮތުން އާ ޓާމިނަލްގެ ކުރިމަތީގައި ވަކި ސަރަހައްދެއް ޕާކްކުރުމަށް ހަމަޖައްސާނެކަން އެ ސާކިއުލާގައިވެއެވެ.
އެނގިފައިވާ ގޮތުން ޓާމިނަލް ކުރުމަތިން އޮންނަ ސަރަހައްދުގައި ޕާކު ކުރަން ހުޅުވާލީ ވަކި އިންތިޒާމެއްގެ ދަށުން ވަގުތީ ގޮތުންނެވެ.
