އީޕީއޭގެ ނަން އެންވަޔަރުމެންޓަލް ރެގިއުލޭޓަރީ އޮތޯރިޓީ (އީއާރުއޭ) އަށް ބަދަލުކޮށް، ރާއްޖޭގެ ތިމާވެށި ހިމާޔަތްކުރުމުގެ ޒިންމާތަކެއް އެ އޮތޯރިޓީއާ ހަވާލުކުރީ މިދިޔަ އޮގަސްޓް މަހުގެ ތެރޭގަ އެވެ.
އީޕީއޭ އޮތޯރިޓީއަކަށް ބަދަލުވިއިރު، ހިންގުމުގެ އޮނިގަނޑަށް ވެސް ބަދަަލު ވަނީ ގެނެސްފައެވެ. އެގޮތުން އޮތޯރިޓީގައި އެންމެ އިސްކޮށް އޮންނަ މަގާމަކީ ޗީފް އެޑްމިނިސްޓްރޭޓަރުގެ މަގާމެވެ. އެއީ ސިވިލް ސާވިސް ތެރެއިން އުފައްދާ މަގާމެކެވެ.
ނައީމަކީ އީޕީއޭގައި ހުންނަވައިގެން، އެންވަޔަރަމެންޓަލް އިމްޕެކްޓް އެސެސްމެންޓް (އީއައިއޭ) ހެއްދެވުމުގައި އިސްކޮށް މަސައްކަތް ކުރެއްވި ތިމާވެށީގެ ތަޖުރިބާކާރެކެވެ. ހާއްސަކޮށް ރާއްޖޭގެ ތިމާވެއްޓަށް އަސަރު ކުރާ ކަންކަން ހުއްޓުވައި، މީހުން ހޭލުންތެރި ކުރުވަން ބޮޑެތި މަސައްކަތްތަކެއް އޭނާ ކުރެއްވި އެވެ.
