ބ. އަތޮޅު ވިލިނގިލިފަރު ފިނޮޅު ސަރަހައްދުގައި ކުރިއަށް ގެންދިޔަ މިހަރަކާތުގައި ޖުމްލަ 623 މީހުން ބައިވެރިވިކަމަށް ވީއެމްސީން ބުންޏެވެ.
ފީނުމުގެ މި ހަރަކާތުގައި ބައިވެރިން ރެކޯޑު ހެދުމަށްޓަކައި ދޮޅު މިނެޓު ވަނީ ހޭދަކޮށްފަ އެވެ.
މި ހަރަކާތާ ގުޅޭގޮތުން ވިޒިޓް މޯލްޑިވްސް ކޯޕަރޭޝަންގެ މެނޭޖިން ޑިރެކްޓަރު އިބްރާހީމް ޝިއުރީ ވިދާޅުވީ، މި ހަރަކާތުން ފެނިގެން ދިޔައީ ދިވެހީންގެ އެއްބައިވަންތަކަން ކަމަށާއި، ދިވެހީންގެ ކަނޑު ހިމާޔަތްކޮށް އަންނަން ހުރި ޖީލުތަކަށް ފޯރުކޮށްދޭން ދިވެހީން ދޭ އަހައްމިއްޔަތުކަން ކަމަށެވެ.
ބާނި ހަރަކާތުގެ ތެރެއިން ފީނުމުގެ ދުނިޔޭގެ ރެކޯޑު ގާއިމުކުރުމަށް ބައިވެރިވި މީހުން. - ފޮޓޯ: ވީއެމްސީ
މި ހަރަކާތަށް ފަހު ވިޒިޓް މޯލްޑިވްސް ކޯޕަރޭޝަންގެ ފަރާތުން ވަނީ ރެކޯޑު މުގުރާލިކަމުގެ ލިއުމާއި ފިލައާއި ނިޝާން ބ. އަތޮޅު ކައުންސިލަށް އަރުވައިފަ އެވެ.
ބ. އަތޮޅު ކައުންސިލުން ބުނި ގޮތުގައި މި ހަރަކާތުގެ ބޭނުމަކީ ތިމާވެއްޓަށް ކުރާ ނޭދެވޭ އަސަރުތައް ދުނިޔޭގެ ސަމާލުކަމަށް ގެނައުމާ އެކު ބ. އަތޮޅަކީ ޝައުގުވެރި އެތައް ކަމެއް ހުރި އަތޮޅެއްގެ ގޮތުގައި އިޝްތިހާރު ކުރުމެވެ.
އެ އަތޮޅަކީ މިހާރު ވެސް ބަޔޮސްފިއާ ރިޒާވެއްގެ ގޮތުގައި މަޝްހޫރު އަތޮޅެކެވެ.
