ބެލްޖިއަމްގެ ބްރަސަލްސްގައި ކުރިއަށްދާ ގްލޯބަލް ޓޫރިޒަމް ފޯރަމްގައި ވާހަކަ ދައްކަވަމުން ޑރ. ވަހީދު ވިދާޅުވީ، ޓޫރިޒަމަކީ ހަމައެކަނި ތަފާސްހިސާބުތަކަށް އަމާޒުކުރެވިފައިވާ ސިނާއަތަކަށް ވުމުގެ ބަދަލުގައި، އެއީ އެކުވެރިކަމާއި އެކަކު އަނެކަކަށް އިހުތިރާމުކުރުން އިތުރުކުރާ ވަސީލަތަކަށް ވާންޖެހޭ ކަމަށެވެ. ބައިބައިވެފައިވާ ދުނިޔެއެއްގައި އެންމެން ގުޅުވާލަދޭ އެންމެ މުހިންމު އެއް ބާރަކީ ޓޫރިޒަމް ކަމަށް އެމަނިކުފާނު ސިފަކުރެއްވިއެވެ.
ރާއްޖޭގެ ޓޫރިޒަމް ސިނާއަތަކީ ތިމާވެށި ހިމާޔަތްކުރުމާއި ތަރައްގީގެ މަސައްކަތް އެއްހަމައެއްގައި ކުރިއަށް ގެންދިއުމަށް ރާއްޖެއިން ކުރާ މަސައްކަތުގެ ނަމޫނާއެއްކަން ޑރ. ވަހީދު ފާހަގަކުރެއްވިއެވެ. އެގޮތުން ރާއްޖޭގެ ރިސޯޓުތަކުން މުރަކަ އާލާކުރުމާއި، އިޢާދަކުރަނިވި ހަކަތަ ބޭނުންކުރުމާއި، ކުނި މެނޭޖުކުރުން ފަދަ ކަންކަމުގައި ޓޫރިސްޓުން ބައިވެރިކޮށްގެން ދުނިޔެއަށް ނަމޫނާ ދައްކަމުން އަންނަ ކަމަށް ވިދާޅުވިއެވެ. މީގެ ނަތީޖާއެއްގެ ގޮތުން ރާއްޖެއަށް ޒިޔާރަތްކުރާ ޓޫރިސްޓުންނަށް ހަމައެކަނި ހިތްހަމަޖެހުމެއް ނޫން، މާނަވީ ތަޖުރިބާއެއް ލިބިގެންދާކަން އެމަނިކުފާނު ފާހަގަކުރެއްވިއެވެ. އަދި 2028 ވަނަ އަހަރު އަންނަ އިރު ރާއްޖޭގެ ހަކަތައިގެ 33 ޕަސަންޓަކީ އިޢާދަކުރަނިވި ހަކަތައަށް ހެދުމަށް ސަރުކާރުން ކަނޑައަޅާފައިވާ އަމާޒަކީ މޫސުމީ ބަދަލުތަކަށް ހޭނުމަށް ރާއްޖެއިން ދޭ އަހައްމިއްޔަތުކަން ދައްކުވައިދޭ ކަމެއް ކަމަށްވެސް ވިދާޅުވިއެވެ.
އެމަނިކުފާނުގެ ވާހަކަފުޅު ނިންމަވާލައްވަމުން، ދުނިޔޭގެ ޓޫރިޒަމްގެ ސިނާއަތް އާ މިސްރާބަކަށް ގެންދާއިރު، ހަމައެކަނި މާލީ ފައިދާއަށް އިސްކަންދިނުމުގެ ބަދަލުގައި، ތިމާވެށި ރައްކާތެރިކުރުމަށާއި، ސަގާފަތަށް އިހުތިރާމުކުރުމަށާއި، މުޖުތަމައުތައް ބާރުވެރިކުރުމަށް އިސްކަންދިނުމަށް ޑރ. ވަހީދު ގޮވާލެއްވިއެވެ. އޭގެ ބަދަލުގައި އިންސާނީ، ސަގާފީ، އިޖުތިމާއީ އަދި ތިމާވެށީގެ ރައުސުމާލަށް ވުނަކުރުމުގެ މުހިންމުކަން ފާހަގަކުރެއްވިއެވެ. އަދި ޓޫރިޒަމަކީ ހަގީގީ ބާރަކަށް ހެދުމަށް ދުނިޔޭގެ ލީޑަރުންނާއި، ވިޔަފާރިވެރިންނާއި، ދަތުރުކުރާ ފަރާތްތައް ގުޅިގެން މަސައްކަތް ކުރުމަށް އެމަނިކުފާނު
