ނިޔާޒު މިހެން ވިދާޅުވީ އަންނަ އަހަރަށް ލަފާކުރާ ދައުލަތުގެ ބަޖެޓު ދިރާސާ ކުރާ ކޮމެޓީގައި މިއަދު ވާހަކަ ދައްކަވަމުންނެވެ.
ދައުލަތުގެ ދަރަނި ކުޑަކުރުމަށް އެކުލަވާލާ ސިޔާސަތުތައް ތަންފީޒުކުރުމާއި ގުޅޭގޮތުން ވާހަކަ ދައްކަވަމުން އޮޑިޓާ ޖެނެރަލް ނިޔާޒީ ވިދާޅުވީ ދައުލަތުގެ ހަދަރުތައް ކުޑަ ކުރުމުގެ ސިޔާސަތުތައް މި ހުންނަނީ ސަސްޓެއިނަބަލް ލެވެލްއެއްގައެއް ނޫންކަމަށާއި ހަރަދުކުޑަކުރުމަށް ކަނޑައެޅި ސިޔާސަތުތައް ފަސްކުރަމުން އަންނަކަމަށެވެ. އަދި އަހަރުން އަހަރަށް ދަރަނި މި އިތުރަވަނީ ހަރަދުތައް ކުޑަނުކޮށްގެންކަންވެސް ނިޔާޒީ ފާހަގަކުރެއްވިއެވެ.
މަޖިލީހުގެ ބަޖެޓް ކޮމެޓީގައި ވާހަކަ ދައްކަވަމުން ނިޔާޒީ ވިދަޅުވީ އަންނަ އަހަރަށް ލަފާކޮށް އެކުލަވާލާފައިވާ ބަޖެޓު ފޮތުގައިވެސް ދަރަނި ކުޑަކުރަން އަޅާނެ ފިޔަވަޅުތައް ހިމަނާފައިވެސް ނުވާކަމަށެވެ. އަދި ނުކުރާކަމެއް އެ ފޮތުގައި ޖެހުމުގެ ބޭނުން ނެތްކަމަށްވެސް ނިޔާޒީ ވަނީ ސިފަކުރައްވާފައެވެ.
އޮޑިޓާ ޖެނެރަލް ނިޔާޒީ ވަނީ ބަޖެޓް ފާސްކުރާއިރު ހަރަދުތައް ކުޑަކުރާނެ އުސޫލުތައް މަޖިލިހަށް ހުށައަޅައިގެން އެއާއި އެއްކޮށް ނޫނީ ބަޖެޓު ފާސްނުކުރަން އެދިވަޑައިގެންފައެވެ. އަދި އެހެންނޫނީ އަތް ނުފޯރާ ހިސާބަށް މިކަން ހިނގައިދާނެކަމުގެ އިންޒާރުވެސް އޮޑިޓާ ޖެނެރަލް ނިޔާޒީ ވަނީ ދެއްވާފައެވެ.
