ޕީއެންއެފްއިން ކުއްލި ޖަލްސާއެއް މީރޭ އޮންނާނެކަން އިއުލާންކޮށްފައި މިވަނީ ސަރުކާރަށް ތާއީދު އޮތް މިންވަރު ދެއްކުމަށްޓަކައި މިރޭ ޕީއެންސީން ބޮޑު އެއްވުމެއް އާޓިފިޝަލް ބީޗު ސަރަހައްދުގައި ބާއްވަން ނިންމާފައިވަނިކޮށެވެ.
ޕީއެންސީއާ އެންމެ ވާދަވެރި ކުރީގެ ރައީސް ޔާމީން މިރޭ ހާއްސަ ޖަލްސާއެއް ބާއްވާއިރު އެ ޖަލްސާ ވަރަށް ތަފާތުވާނެކަމަށްް ޕީއެންއެފް އިން ބުނެއެވެ. ޕީއެންއެފްގެ މިރޭގެ ޖަލްސާވެސް އޮންނާނީ ޔާމީންގެ ގެ ކޮޅުގައެވެ.
ގިނަ އަދަދެއްގެ ބަޔަކު މާލެ ގެނެސްގެން ވެރިކަން ކުރާ ޕިއެންސީ މިރޭ ބާއްވާ ޖަލްސާއަށް ތަންދޭން ބޮޑުތަކުރުފާނުމަގާއި މަޖީދީމަގުން ބައެއް ސަރަހައްދުތައް ބަންދުކުރަން ނިންމާފައިވާކަން ފުލުހުން ވަނީ އިއުލާންކޮށްފައެވެ. އެގޮތުން ބޮޑުތަކުރުފާނު މަގު ސަލްމާން މިސްކިތުގެ އުތުރުން ފެށިގެން ރައީސް ޔާމީންގެ ގެކޮޅާއި ހަމައަށް ބޭރުމަގު ބަންދުކުރާނެކަމަށް ފުލުހުން ވަނީ ބުނެފައެވެ.
މީގެއިތުރުން މިރޭ އިރުއޮއްސި 6 އަކުން ފެށިގެން ޕީއެންސީގެ ޖަލްސާ ނިންމެންދެން ހެންވޭރުގެ ގިނަ މަގުތަކެއް ވެހިކަލްތައް ނުދެއްވޭގޮތަށް ބަންދުކުރަންވެސް ފުލުހުން ވަނީ ނިންމާފައެވެ.
