ސަރުކާރަށް ދެ އަހަރު ފުރުން ފާހަގަކުރުމަށް ރޭ ބޭއްވި ރަސްމިއްޔާތެއްގައި ސަރުކާރުގެ ކާމިޔާބީތައް ކިޔާދެއްވަމުން ރައީސް ވިދާޅުވީ ސިއްހީ ދާއިރާއިން މި ދެ އަހަރު ކުރި އެރުންތަކެއް ހޯދާފައިވާކަމަށެވެ. އެގޮތުން މާލޭ ހޮސްޕިޓަލްތަކަށް މުވައްޒަފުން ހޯދާ ގިނަ ހިދުމަތްތަކެއް ފަށާފައިވާކަން އެމަނިކުފާނު ފާހަގަކުރެއްވިއެވެ.
ސިއްހީ ދައިރާއަށް ގެންނަ ބަދަލުތަކުގެ ވާހަކަ ރޭ ގެ ރަސްމިއްޔާތުގައި ދައްކަވަމުން ރައީސް މުއިއްޒު ވިދާޅުވީ ކުރިޔަށް އޮތް ހަ މަސްދުވަހުގެ ތެރޭގައި 15 ރަށެއްގައި ސީޓީ ސްކޭންގެ ހިދުމަތް ފަށާނެކަމަށެވެ. އަދި ހަމަ އެ މުއްދަތުގައި ރާއްޖޭގެ ހުރިހާ ޓާޝަރީ ހޮސްޕިޓަލެއްގައި އެމްއާރުއައިގެ ހިދުމަތްވެސް ފަށާނެކަމަށް ރައީސް މުއިއްޒު ވިދާޅުވިއެވެ. އެހެންނަމަވެސް އެމަނިކުފާނު އެއީ ކޮންކޮން ރަށްރަކެއްކަމެއް ރެއަކު ވިދާޅެއް ނުވެެއެވެ.
އަންނަ އަހަރަށް ލަފާކުރާ ބަޖެޓްގައި ސިއްހީ ދާއިރާއަށް ވަނީ 831 މިލިއަން ރުފިޔާގެ ބަޖެޓެއް ކަނޑައަޅާފައެވެ. މި އަދަދާއި ގުޅޭގޮތުން ވާހަކަ ދައްކަވަމުން ރައީސް މުއިއްޒު ވިދާޅުވީ މިހާރު ކުރިއަށްދާ މަޝްރޫއުތަކާ އަންނަ އަހަރުގެ ބަޖެޓުގައި ހިމަނާފައިވާ މުހިއްމު މަޝްރޫއުތަކުގެ މަސައްކަތް ނިމިގެންދިއުމުން ވަރަށް މަދުން ނޫނީ ރާއްޖެއިން ބޭރަށް ދިވެހިން ބޭސް ފަރުވާއަށް ދާން ނުޖެހޭނެކަމަށެވެ.
އަންނަ އަހަރަށް ދައުލަތަށް ލަފާކުރާ ބަޖެޓުގައި އެންމެ ބޮޑު އަދަދެއް ކަނޑައަޅާފައިވާ އެއް ދާއިރާއަކީ ސިއްހީ ދާއިރާއެވެ.
