މި ހަފުލާއަކީ އެކްޓަރަށް އިހުތިރާމް އަދާކުރުމުގެ ގޮތުން ބޭއްވި ހާއްސަ ބައްދަލުވުމެއް ކަމަށް މީޑިއާ ރިޕޯޓުތައް ބުނެއެވެ.
މި ހަފުލާގައި ބޮލީވުޑްގެ އެންމެ މަޝްހޫރު ތަރިން ވަނީ ބައިވެރިވެފައެވެ. އޭގެ ތެރޭގައި ޝާހްރުކް ހާން އާއި ސަލްމާން ހާންގެ އިތުރުން މަޝްހޫރު އެކްޓްރެސް ރޭކާ އަދި އައިޝްވާރިޔާ ރާއީ ބައްޗަން ހިމެނެއެވެ. މީގެ އިތުރުން ވެސް ފިލްމީ ދާއިރާގެ ގިނަ ފަންނާނުންތަކެއް މި ހަފުލާއިން ފެނިގެން ދިޔަކަން ފާހަގަކޮށްލެވެއެވެ.
ދަރްމެންދުރައަކީ ހިންދީ ސިނަމާގައި ވަރަށް ބޮޑު އިހުތިރާމެއް ލިބިފައިވާ ފަންނާނަކަށް ވާއިރު، މި ހަފުލާއަށް ގިނަ ތަރިންތަކެއް ދިޔުމުން ދައްކުވައިދެނީ އޭނާއަށް އޮތް ލޯތްބާއި ގަދަރު ކަމަށް ގިނަ ބަޔަކު ދެކެއެވެ. ފިލްމީ ދާއިރާގެ އެކި ޖީލުތަކުގެ ތަރިން މި ހަފުލާގައި ބައިވެރިވެ، ދަރްމެންދުރާއަށް ހެޔޮއެދުންތައް ފޮނުވާފައިވާ ކަމަށް ރިޕޯޓުތައް ބުނެއެވެ.