ދެކުނުގެ ފިލްމުތަކަށް ނޫނެކޭ ބުނަން ޖެހޭ މައިގަނޑު ސަބަބު ހާމަކުރަމުން ސުނިލް ބުނީ އެއީ އެ ފިލްމުތަކުގައި ބޮލީވުޑްގެ އެކްޓަރުންނާ މެދު އަމަލުކުރާ ގޮތުން ކަމަށެވެ.
ސުނިލް ބުނި ގޮތުގައި ދެކުނު އިންޑިއާގެ ފިލްމުތަކުގައި އާންމުކޮށް ކަންތައް ކުރާ ގޮތަކީ، ހިންދީ ފިލްމުތަކުގައި މަސައްކަތްކުރާ ތަރިން ލައްވާ ހަމައެކަނި ނުބައިބައި ރޯލު ކުޅުވުމެވެ.
މީގެ އިތުރުން ސުނިލް ބުނީ އޭނާ ފިލްމެއް ކުޅުމަށް އެއްބަސްވަނީ ބަހަށް ބެލުމަށް ފަހު ނޫން ކަމަށާއި، އެންމެ ބޮޑު އިސްކަމެއް ދެނީ ފިލްމުގެ ކޮންޓެންޓް ނުވަތަ ވާހަކައަށް ކަމަށެވެ. މަންގަލޯރަށް އުފަންވުމުން އެކަމާ މެދު ފަހުރުވެރިވާ ކަމަށާއި، ނަމަވެސް ފިލްމުތައް ހޮވުމުގައި އަބަދުވެސް ބަލަނީ ރަނގަޅު މޮޅު މަސައްކަތެއް ކުރެވޭތޯ ކަމަށް ސުނިލް ވަނީ ބުނެފައެވެ.
