މި މައްސަލައަކީ މަހާރަޝްތުރާގެ ސާންގްލީ ޑިސްޓްރިކްޓުގައި ހިންގަމުން ދިޔަ ފެކްޓަރީއަކުން ގިނަ އަދަދެއްގެ މެތް ކިޔާ ޑްރަގެއް އަތުލައިގަތް މައްސަލައާ ގުޅުން ހުރި ކަމެކެވެ.
ފުލުހުން ތުހުމަތުކުރާ ގޮތުގައި މިއީ ބައިނަލްއަގުވާމީ ފެންވަރުގައި ޑްރަގް ސަޕްލައިކުރާ ބޮޑު ނެޓްވޯކެއްގެ ބައެކެވެ. މިކަމާ ގުޅިގެން އޯރީ ވަނީ އޭއެންސީގެ ގާތްކޮޕަރު އޮފީހަށް ހާޒިރުކޮށް ގާތްގަނޑަކަށް ހަތް ގަޑިއިރާއި ބައި ވަންދެން ސުވާލުކޮށްފައެވެ. އޯރީ ބުނި ގޮތުގައި މި މައްސަލައިގައި މައިގަނޑު ގޮތެއްގައި ތުހުމަތުކުރެވޭ މީހުންނާ އޭނާއާ އެއްވެސް ގުޅުމެއް ނެތެވެ.
ފުލުހުންގެ އޮފިޝަލުންނާ ހަވާލާދީ މީޑިއާ ރިޕޯޓުތައް ބުނާ ގޮތުގައި، ތަހުގީގަށް ހާޒިރުވި ނަމަވެސް އޯރީ އަދި މި މައްސަލައިގައި ސުވާލުކުރެވުނު ސިދާންތު ކަޕޫރުގެ ފަރާތުން ތަހުގީގަށް ފުރިހަމަ އެއްބާރުލުމެއް ނުލިބެއެވެ.
އޯރީ ތަކުރާރުކޮށް ބުނަމުން ދަނީ ޕާޓީތަކަށް ގޮސް މަޝްހޫރު ތަރިންނާއެކު ފޮޓޯ ނެގުން ފިޔަވައި، ޑްރަގް ބޭނުންކުރުމާ ނުވަތަ ސަޕްލައި ކުރުމާ އޭނާއާ އެއްވެސް ގުޅުމެއް ނެތް ކަމަށެވެ. ނަމަވެސް ފުލުހުން އަންނަނީ މި ނެޓްވޯކުގެ އަޑި ހޯދުމަށް އިތުރު މަސައްކަތްތައް ކުރަމުންނެވެ.