ޚާލިދާގެ އާއިލާ އާއި އޭނާގެ ބަންގްލާދޭޝް ނެޝަނަލް ޕާޓީ (ބީއެންޕީ) އިން މިކަން ކަށަވަރުކޮށްދެމުން ވަނީ އެންމެން ވެސް ޚާލިދާއަށް ޝިފާ ދެއްވުން އެދި ދުއާކޮށްދިނުމަށް އެދިފަ އެވެ.
އުމުރުން 80 އަހަރުގެ ޚާލިދާ ހޮސްޕިޓަލްގައި ފުރަތަމަ އެޑްމިޓްކުރީ މި މަހުގެ 23 ވަނަ ދުވަހު ފުއްޕާމޭގެ އިންފެކްޝަނެއް އުފެދިފައި ހުރިކަމުގެ އަލާމާތްތައް ފެނުމުންނެވެ.
ބަންގްލާދޭޝްގައި ތިން ފަހަރަށް ބޮޑުވަޒީރުކަން ކުރައްވާފައިވާ ޚާލިދާ ވަނީ ޝައިހް ހަސީނާގެ ވެރިކަމުގައި ކޮރަޕްޝަންގެ ދައުވާކޮށް އެ ދައުވާ ސާބިތުވާ ކަމަށް ކަނޑައަޅައި 2018 ވަނަ އަހަރު ޖަލަށް ލައިފަ އެވެ. އަދި ބޭސްފަރުވާއަށް ގައުމުން ބޭރަށް ވަޑައިގަތުން ވެސް މަނާކުރި އެވެ.
އިދިކޮޅު މައި ޕާޓީ، ބީއެންޕީގެ އިސްވެރިޔާ ޚާލިދާ ޖަލުން މިނިވަންކުރީ މިދިޔަ އަހަރު ހަސީނާގެ ވެރިކަން ވައްޓާލުމާ އެކުގަ އެވެ.
