ބޭނުންވާ ތަކެތި:
2 ކެރެޓް ( ގާނާފަ)
2 ޖޯޑް ފުށް
11/2 މޭޒްމަތީ ސަމުސާ ބޭކިން ޕައުޑަރު
1 ސައިސަމުސާ ބޭކިން ސޮޑާ
1 ސައިސަމުސާ ލޮނު
1 ޖޯޑް ހަކުރު
1/3 ޖޯޑް ތެޔޮ
150ގ ބަޓަރު
4 ބިސް
1 މޭޒްމަތީ ސަމުސާ ވެނީލާ އެސެންސް
ގާނާފަ ހުރި ކެރެޓް
½ ޖޯޑް އަލަނާސި
½ ކަޕް ވޯލްނަޓް
ކޭކްގަ ޖަހާ ޗީޒް ތައްޔާރުކޮށްލަށް:
1 ކަޕް ކުރީމް ޗީޒް
100ގ ބަޓަރު
1 ޖޯޑް ހެވީ ކުރީމް
½ ޖޯޑް އައިސިން ޝުގާ
ތައްޔާރު ކުރާނެ ގޮތް:
ފުރަތަމަ ކޭކްގެ ފުށްކޮޅު ތައްޔާރުކޮށްލަން ފުށް،ބޭކިން ޕައުޑަރު، ބޭކިން ސޮޑާ އަދި ލޮނު ކޮޅު އަޅާފަ ފުށްކޮޅު ރެޑީކޮށްލާށެވެ. އެއަށްފަހު އެހެން ތަށްޓެއްގަ ހަކުރު، ތެޔޮ، ބަޓަރު އަދި ބިސް ކޮޅު އެއްކޮށްލާށެވެ. ދެން މިތަކެތި ރަނގަލަށް އެއްވުމުން ކުރިން ބެހެއްޓި ފުށްކޮޅާ އެއްކޮށްލާށެވެ.
އެއަށްފަހު ވެނީލާ އެސެންސް، ގާނާފަ ހުރި ކެރެޓް، އަލަނާސި އަދި ވޯލްނަޓް ކޮޅު އަޅައިގެން، ހުރިހާ އެއްޗެއް އެކީ ރަނގަޅަށް މިކުސް ކޮށްލާށެވެ.
މިހާރު މިހިރީ ކޭކް ފުށްގަނޑު ރެޑީވެ ނިމިފައެވެ. އެއަށްފަހު އަވަން 180ޑިގްރީގައި ހޫނުކުރުމަށްފަހު ކޭކް ލައި ފިހެލާށެވެ. ކޭކް ފިހެލާނީ 40 ނޫނީ 45 މިނެޓް ވަންދެން ނެވެ.
ދެން ކޭކް ފިހެވުމުން ނަގާފަ ހިހޫ ވަންދެން ބައިންދާށެވެ.އެއަށްފަހު ކޭކްގަ މަތީގަ ޖަހާ ކުރީމް ބައި ތައްޔާރުކޮށްލާށެވެ. ޗީޒް، ބަޓަރ،ހެވީ ކުރީމް އަދި އައިސިން ޝުގާ ރަނގަޅަށް މިކުސް ކޮށްލާށެވެ. މިހާރު މިހިރީ ކުރީމްބައިވެސް ތައްޔާރުކޮށް ނިމިފަ އެވެ.
ދެން ކުރިން ފިހުނު ކޭކް ތަށްޓަކަށް ނަގާ ހިހޫވުމުން ކުރީމް ޖަހާލާނީ އެވެ. މިހާރު މިހިރީ ކެރެޓް ކޭކް ތައްޔާރު ކޮށް ނިމިފައެވެ.
މީ ރޯދަވީއްލާ ގަޑި އަދި ތަރާވީސް ގަޑިއަށްވެސް ވަރަށް މީރު ފޮނި އެއްޗެކެވެ،
