މި ޓެލެތޯން ޖުމްލަ 16 ގަޑިއިރުގެ މުއްދަތަށް ކުރިއަށްދާއިރު، ސަރުކާރުގެ އެކި އިދާރާތަކާއި ސަރުކާރު ހިއްސާވާ ކުންފުނިތަކުގެ އިތުރުން އަމިއްލަ ވިޔަފާރިތަކުން ދަނީ ފޯރިއާއެކު ބައިވެރިވަމުންނެވެ. ދިވެހި ކުންފުނިތަކުގައި ގިނަ އަދަދެއްގެ ލަންކާ މުވައްޒަފުން މަސައްކަތްކުރަމުންދާތީ، އެ މުވައްޒަފުންނާއި އެ ގައުމަށް ލިބިފައިވާ ހިތާމައިގައި ބައިވެރިވުމުގެ ގޮތުން ގިނަ ކުންފުނިތަކަކުން ދަނީ އެހީތެރިކަން ފޯރުކޮށްދެމުންނެވެ. މި ޓެލެތޯން ކުރިއަށްދާނީ މިރޭ މެންދަމު 1:00 ޖެހުމާ ހަމައަށެވެ.
މިހާތަނަށް އައިއިރު މި ފަންޑަށް ދިވެހި ރައްޔިތުންގެ ފަރާތުން ބޮޑު ތަރުހީބެއް ލިބި، 1.7 މިލިއަނަށް ވުރެ ގިނަ ރުފިޔާ އަދި 37،000 އަށް ވުރެ ގިނަ ޑޮލަރު ވަނީ އެހީގެ ގޮތުގައި ލިބިފައެވެ.
