އިޓަލީގެ މަޝްހޫރު ޑިޒައިނަރު އެންޓޯނިއޯ ވިއެޓްރީ ފަރުމާކޮށްފައިވާ މި ފައިވާނުގެ އަގަކީ 19.9 މިލިއަން ޑޮލަރެވެ. މިއީ ދިވެހި ރުފިޔާއިން ބަލާނަމަ ގާތްގަނޑަކަށް 306 މިލިއަން ރުފިޔާއެވެ. މިއީ މިހާތަނަށް ދުނިޔޭގައި އުފެއްދި އެންމެ އަގުބޮޑު ފައިވާން ކަމަށް ރިޕޯޓުތައް ބުނެއެވެ.
މިއީ ލިބުން ދަތި އަދި އަގުބޮޑު އެއްޗެއް ކަމަށް ޑިޒައިނަރު ބުންޏެވެ.
މި ފައިވާނުގެ ފުންނާބު ފަރުމާކޮށްފައިވަނީ ދުނިޔޭގެ އެންމެ އުސް އިމާރާތް ކަމަށްވާ ބުރުޖު ހަލީފާ ސިފަވާ ގޮތަށެވެ. މިއީ އެ އިމާރާތަށް ދީފައިވާ ޝަރަފެއްގެ ގޮތުގައި ޑިޒައިނަރު ސިފަކުރެއެވެ. މި ފައިވާނަކީ ހަމައެކަނި ބޭނުންކުރުމަށް ހަދާފައިވާ އެއްޗަކަށްވުރެ ބޮޑަށް، މިއީ އަގުބޮޑު އުފެއްދުމެއްގެ ގޮތުގައި ބެލެވޭ އެއްޗެކެވެ.
