މިއަދު ހުކުރު ނަމާދުގެ ކުރިން އެރަށުގައި ބޭއްވި ރަސްމިއްޔާތެއްގައި މިސްކިތް ހުޅުވައި ދެއްވީ އިސްލާމީ ކަންތައްތަކާ ބެހޭ ވުޒާރާގެ ސްޓޭޓް މިނިސްޓަރު އަބްދުލްއަޒީޒް ޖަމާލް އަބޫބަކުރާއި އަލްމަރްހޫމް ހުސައިން ވަހީދުގެ ދަރިކަލުން އަހްމަދު ނަވީން ހުސައިންއެވެ.
ފޯކައިދޫގައި އަމިއްލަ ފަރާތަކުން ބިނާކޮށްދެއްވި މިސްކިތް މަސްޖިދުލް ނޫރު ހުޅުވުމުގެ ތެރެއިން
މަސްޖިދުލް ނޫރުގެ ނަމުން ނަން ދެވިފައިވާ މި މިސްކިތަކީ އަލްމަރުހޫމް ހުސައިން ވަހީދު (ފޯކައިދޫ ވަހީދު) ގެ ހަރަދުގައި ބިނާކޮށްފައިވާ މިސްކިތެކެވެ. މި މިސްކިތަކީ އެއްފަހަރާ 400 މީހުންނަށް ނަމާދު ކުރެވޭ ޖަގައިގެ މިސްކިތެއްކަމަށް އިސްލާމިކް މިނިސްޓްރީން ބުނެއެވެ.
މިސްކިތް ހުޅުވުމަށްފަހު މިއަދު އެ މިސްކިތުގައި ކުރި ހުކުރު އިމާމުވެ ޝެއިހް އަހްމަދު ސަމީރުއެވެ.
