އެ މިނިސްޓްރީން ބުނީ އިންނަމާދޫގައި 350 ކިލޯވޮޓްގެ ސޯލާ ފޮޓޯވޮލްޓެއިކް ކެޕޭސިޓީ ހިމެނޭ، ޒަމާނީ ސޯލާ ޑީސަލް ބެޓެރީ ހައިބްރިޑް ސިސްޓަމަކާއި, 618 ކިލޯވޮޓްގެ ބެޓެރީ އެނާޖީ ސްޓޯރޭޖް ސިސްޓަމް ހަރުކުރުމުގެ މަސައްކަތް މިހާރު ކުރަމުން އަންނަކަމަށެވެ.
މި ސިސްޓަމް ގާއިމުކުރުމުން އަހަރަކު 164،672 ލީޓަރުގެ ޑީސަލަށް ކުރާ ހަރަދު ސަލާމަތްކުރެވޭނެ ކަމަށްވެސް އެންވަޔަރަމެންޓް މިނިސްޓްރީން ބުނެއެވެ. މީގެއިތުރުން މި ސިސްޓަމްގެ ސަބަބުން އަހަރަކު 403 ޓަނުގެ ކާބަންޑައި އޮކްސައިޑް އުފެދޭ މިންވަރު ވެސް މަދުވާނެ ކަމަށްވެސް މިނިސްޓްރީން ބުނެއެވެ.
އިންނަމާދޫގައި ގާއިމުކުރާ ސޯލާ ޕެނަލް ސިސްޓަމް
މި މަސައްކަތަކީ 2028 ވަނަ އަހަރުގެ ނިޔަލަށް ރާއްޖޭގެ ކަރަންޓުގެ 33 އިންސައްތަ އިޔާދަކުރަނިވި ހަކަތައިން ފޯރުކޮށްދިނުމަށް ބަދަލުކުރުމަށް ސަރުކާރުން ގެންގުޅޭ ސިޔާސަތުގެ ދަށުން ކުރަމުން އަންނަ މަސައްކަތެއްކަމަށް އެންވަޔަރަމެންޓް މިނިސްޓްރީން ބުނެއެވެ.
