ގަލޮޅު ރައްޔިތުންނާއި ބައްދަލުކުރައްވާ ވާހަކަ ދައްކަވަމުން ރައީސް މުއިއްޒު ވީދާޅުވީ މަސާޖު ޕާލާ ހިންގުމަކީ މާލޭގައި އިޖުތިމާއި ގޮތުން ހިނގާ ވަރަށް ނޭދެވޭ ކަމެއްކަމަށެވެ.
ރައީސް މުއިއްޒު ވިދާޅުވީ މަސާޖު ޕާލާތައް މީ އޮންނަ އުސޫލަކުން ވަކި ރޫޓިންނަކުން އަބަދުވެސް ފުލުހުންނާއި އިމިގްރޭޝަނާއި ގުޅިގެން ބަލަމުންދާ ނުވަތަ ތަނެއް ފާހަގަވެއްޖެއްޔާ ބަންދުކުރުމުންދާ ގޮތަށް އޮންނަކަމެއްކަމަށެވެ. އެހެންނަމަވެސް މި ކަންބޮޑުވުންތައް އެމަނިކުފާނު ރައްޔިތުންނާއި އެކު ބާއްވާ ބައްދަލުވުންތަކުގެ ތެރެއިން ލިބެން ފެށުމުން ސަރުކާރު ހާއްސަ މަސައްކަތެއްގެ ގޮތުގައި އެކަން ބަލަން ފެށިކަމަށެވެ.
އެގޮތުން މިމަހުގެ 9 ވަނަދުވަހު އެކަމަށް ހާއްސަ އޮޕަރޭޝަނެއް ކަމާއި ގުޅާ ދާއިރާތަކުން ފަށާ މިދިޔަ 16 ދުވަހުގެ ތެރޭގައި 52 މާސާޖު ޕާލާއެއް ބަންދުކޮށްފައިވާކަމަށް ރައީސް މުއިއްޒު ވިދާޅުވިއެވެ. އެގޮތުން މި އޮޕަރޭޝަން ހިންގަން ފެށުމުން އަމިއްލައަށް ބައެއް ތަންތަން ބަންދުކުރިކަމަށްވެސް ރައީސް މުއިއްޒު ވިދާޅުވިއެވެ.
ރާއްޖޭގައި ގަވައިދާ ހިލާފަށް އުޅޭ ބިދޭސީންނާއި ބިދޭސީން ގަވައިދާ ހިލާފަށް ހިންގާ ވިޔަފާރިތައް ބަންދުކުރުމަށް ހާއްސަ އޮޕަރޭޝަނެއް ވަނީ ފަށާފައެވެ. މި އޮޕަރޭޝަންގެ ގަވައިދާ ހިލާފަށް ވިޔަފާރިކުރަމުން އައި 74 މިހާތަނަށް ބަންދުކޮށްފައިވާކަމަށް އިކޮނޮމިކް މިނިސްޓްރީން ވަނީ ބުނެފައެވެ.
