ފަލަސްތީނާއި ސޫރިޔާގެ އިތުރުން، އެމެރިކާއަށް އެތެރެވުން މަނާކޮށްފައިވާ ގައުމުތަކުގެ ލިސްޓަށް ޓްރަމްޕް އިތުރު ކުރި ގައުމުތަކަކީ ބުރްކިނާ ފާސޯ، މާލީ، ނައިޖާ، ނީޜިޔޭ އަދި ދެކުނު ސޫދާނެވެ. މީގެ އިތުރުން، ލާއޯސް އަދި ސިއެރެ ލިޔޯން ވެސް ޓްރަމްޕް ވަނީ އެ ލިސްޓަށް އިތުރު ކޮށްފަ އެވެ. މީގެ ކުރިން ވެސް، އެ ދެ ޤައުމުގެ ރައްޔިތުންނަށް އެމެރިކާއަށް ދަތުރު ކުރުމުގައި ހުރަސްތަކެއް އޮތީ ކުރިމަތި ކޮށްފަ އެވެ.
އެމެރިކާގެ ރައީސް ޑޮނަލްޑް ޓްރަމްޕުގެ މި ހަރުކަށި ސިޔާސަތުގެ ދަށުން، އެތައް ގައުމެއްގެ މީހުންނަށް މިހާރު ވަނީ އެމެރިކާއަށް ވަނުން މަނާވެފަ އެވެ. މިހާރު ވަނީ އެމެރިކާއަށް ވަނުން މަނާ ގައުމުތަކުގެ އަދަދު 40 އާ ގާތްކޮށްފަ އެވެ.
މިއީ، އެމެރިކާގެ ރައްޔިތުންގެ ސަލާމަތާއި ރައްކާތެރިކަން ކަށަވަރު ކުރެއްވުމުގެ ގޮތުން ޓްރަމްޕް އަޅުއްވާފައިވާ ފިޔަވަޅެއް ކަމުގައި ވެސް ވައިޓް ހައުސުން ބުންޏެވެ.
