މި ހަދިސާ ހިނގައިގެން އެމްއެންޑިއެފްއިން ހަރަކާތްތެރިވަމުންދާކަން އެތަނުގެ މީޑިއާއިން ބުނީ، މިއަދު އިރުއޮއްސި 6:48ގަ އެވެ. ރޯވެފައި ވަނީ "ޔަސްވާ ޕްރިންސަސް" ނަމަކަށް ކިޔާ ސަފާރީއެއް ކަމަށް އެމްއެންޑީއެފްއިން ބުންޏެވެ.
ފުލުހުން ބުނި ގޮތުގައި، ވ. އަތޮޅު ކުޑަ އަންބަރާ ދިމާލުން ތިން މޭލު ބޭރުގައި އޮތް ޔަސާވާ ޕްރިންސަސް ނަމަކަށް ކިޔާ ސަފާރީގައި އަލިފާން ރޯވެފައިވާ ކަމުގެ މައުލޫމާތު މިއަދުގެ ހަވީރު 5:54 ހާއިރު ލިބުމާ އެކު، ފުލުހުން އެ ސަރަހައްދަށް ގޮސް ސަފާރީގައި ތިބި މީހުންނާއި ފަޅުވެރިން ސަލާމަތްކޮށް ފެލިދު އަށް ވަނީ ގެންގޮސްފަ އެވެ.
އެމްއެންޑިއެފްއިން ހިއްސާ ކުރި ފޮޓޯއިން ފެންނަ ގޮތުގައި ސަފާރީގެ ގެގަނޑުގެ ކުރީކޮޅުގައި ވަރަށް ބޮޑަށް އަލިފާން ވަނީ ހިފާފަ އެވެ. އަލިފާން ހިނގަން މެދުވެރި ސަބަބެއް އަދި އަލިފާން ކޮންޓްރޯލްވިކަމެއް އަދި ސާފެއް ނޫނެވެ.
