ގއ. އަތޮޅުގައި ފުޅާ ދާއިރާއެއްގައި މަސްތުވާތެކީގެ ވިޔަފާރިކޮށް، އެ ވިޔަފާރިން މަނީ ލޯންޑަރިން ހިންގާތީ ހައްޔަރު ކުރި މީހުން ވަނަވަރު ފުލުހުން ވަނީ އާއްމުކޮށްފައެވެ.
އޮޕަރޭޝަންގައި ހައްޔަރުކުރި މީހުން
މި ހަތަރު މީހުންގެ ތެރެއިން އަހްމަދު އަނާމް އިބްރާހިމް އަކީ މި ސަރުކާރުގެ ސިޔާސީ މަގާމެއް ފުރުއްވަމުން ގެންދަވާ ބޭފުޅެކެވެ. އޭނާ ހުންނެވީ އިކޮނޮމިކް މިނިސްޓްރީގެ ސީނިއާ ޕޮލިޓިކަލް ޑިރެކްޓަރުގެ މަގާމުގަ އެވެ.
މި ހަތަރު މީހުންގެ ބަންދާމެދު ގޮތެއް ނިންމުމަށް ކޯޓަށް ހާޒިރު ކުރުމުން ޝައްފާހް ލަތީފާއި އަހްމަދު މަދީޙާއި އަހްމަދު އަނާމް އިބްރާހީމް ޝަރީޢަތް ނިމެންދެން ބަންދު ކުރުމަށް ކޯޓުން އަމުރުކޮށްފައިވާކަމަށް ފުލުހުން ބުނެއެވެ. އަދި ދެން ހައްޔަރުކުރި ނޫރުއްނިޒާމް 15 ދުވަހަށް ބަންދު ކުރުމަށް ކޯޓުން އަމުރުކޮށްފައިވާކަމަށްވެސް ފުލުހުން ބުނެއެވެ.
