މިއީ ހަމައެކަނި ލިބޭ މުސާރަ ކުޑަވުމުން ދިމާވާ ކަމެއް ނޫނެވެ. ގިނަ ފަހަރަށް މިހެން ދިމާވަނީ ފައިސާ ގެންގުޅުމުގައި ރަނގަޅު އާދަތަކެއް ނެތުމުންނާއި، ހަރަދުތައް ބެލެހެއްޓުމުގައި ފަރުވާކުޑަ ކުރެވޭތީ އެވެ. މުސާރައިން ބައެއް ރައްކާކޮށް، މާލީ ހަމަޖެހުން ހޯދުމަށް ފަށައިގަނެވިދާނެ ފަސޭހަ ގޮތްތަކެއް އެބަހުއްޓެވެ.
މި ނިސްބަތަށް އަމަލުކުރަން ދަތިނަމަ، ފުރަތަމަ ކޮޅު ކުޑަ މިންވަރެއް ރައްކާކުރަން ފެށިދާނެ އެވެ.
ދެވަނަ ކަމަކަށް، ކުރެވޭ ކުދިކުދި ހަރަދުތަކަށް ސަމާލުވާށެވެ. ކޮންމެ ދުވަހަކު ބޭރުން ކޮފީ ބުއިމާއި ކެއުމަށް ކުރާ ހަރަދަކީ އެއްފަހަރާ ބަލާއިރު ކުޑަ އެއްޗެއް ކަމަށް ހީވިޔަސް، މަސް ނިމޭއިރު އެއީ ވަރަށް ބޮޑު އަދަދެކެވެ. ކުރާ ހުރިހާ ހަރަދެއް ފޯނުގައި ނޯޓުކޮށް، ބޭކާރު ހަރަދުތައް ދެނެގަތުން މުހިންމެވެ. ގޭގައި ކައްކައިގެން ކެއުމާއި، އޮފީހަށް ދާއިރު ގެއިން ކާއެއްޗެހި ގެންދިއުން ފަދަ ކުދި ބަދަލުތަކުން ވެސް ޖީބަށް ލުއިވާނެ އެވެ.
ތިންވަނަ ކަމަކީ، މުސާރަ ލިބުމުން ހަރަދުކޮށްފައި ބާކީވާ އެއްޗެއް ރައްކާކުރަން ނުވިސްނުމެވެ. އޭގެ ބަދަލުގައި މުސާރަ ލިބޭ ދުވަހު، އެންމެ ފުރަތަމަ ރައްކާކުރަން ކަނޑައަޅާފައިވާ އަދަދު އެހެން އެކައުންޓަކަށް ޖަމާކުރާށެވެ. މިހާރު ރާއްޖޭގެ ބޭންކުތަކުން ވެސް އޮޓަމެޓިކުން ފައިސާ ޓްރާންސްފާ ކުރެވޭ ގޮތް ހަދައިދެ އެވެ. އޭރުން އެ ފައިސާ ހަރަދުކުރެވޭނެ ކަމުގެ ބިރު ކުޑަވެ، ގަވައިދުން ފައިސާ އެއްކުރެވޭނެ އެވެ.
ފައިސާ ރައްކާކުރުމަކީ އެއްރެއިން ކުރެވޭނެ ކަމެއް ނޫނެވެ. އެއީ ކެތްތެރިކަމާއެކު ދަމަހައްޓަން ޖެހޭ އާދައެކެވެ. މިއަދު ރައްކާކުރާ ކުޑަ މިންވަރަކީ މާދަމާ ދިމާވެދާނެ ދަތި ހާލަތަކުން ސަލާމަތްވުމަށް ނުވަތަ މުސްތަގުބަލުގައި ބޭނުންވާ ބޮޑު ކަމެއް ހާސިލުކުރުމަށް އޮތް އެންމެ ބޮޑު އެހީ އެވެ. އެހެންކަމުން މިއަދުން ފެށިގެން ވެސް ހަރަދު ކުޑަކޮށް، ރައްކާކުރަން ފަށަމާ ހިނގާށެވެ.
