މިކަމާއިގުޅިގެން ގިޔާސުއްދީން އިންޓަނޭސިނަލް ސްކޫލްގެ ކުރީގެ ޕްރިންސިޕަލް އަލީ މުސްތޮފާ ވަނީ ސޯސަލް މީޑިޔާގައި ޕޯސްޓެއް ކުރައްވާފައި އެވެ.
އޭނާ ކުރެއްވި ޕޯސްޓުގައި ވިދާޅުވެފައިވަނީ އެ ސަރަހައްދަށް ފީނަނިކޮށް އެތަނުގެ މޫދުން އިތާ ވަޅުލެވިފައި ހުރިކަން ފާހަގަކުރެވުން ކަމަށާއި އެހެން ކަމުން އެ ހިސާބަށް އެރި އުޅޭ ފަރާތްތަކުން އެކަމަށް ސަމާލުކަން ދީގެން އުޅުމަށް އިލްތިމާސް ކުރައްވާ ކަމުގައި އެވެ.
ޕެވިލިއަން ކައިރީ މޫދުގައި އެ އެއްޗެހި ހުރީ މޫދު އަޑިން، ކުޑަ ތަންކޮޅެއް ވެލިގަނޑު މައްޗަށް އަރާފައި ކަމަށާއި އެފަދަ އެއްޗަކަށް ފައިން އެރިއްޖެ ނަމަ ފައި ހަލާކުވުން ފަދަ ކަމެއް ދިމާވެދާނެކަމަށް މުސްތޮފާގެ ޕޯސްޓުގައި ވިދާޅުވި އެވެ.
އެ ސަރަހައްދަކީ ހިކި ދިޔައިގައި އާންމުކޮށް ހިނގާފައި މީހުން މޫދުގައި އުޅޭ ސަރަހައްދަކަށްވާތީ ހުސްފަޔާ އުޅޭއިތު އިތުރަށް ސަމާލުވާން ވެސް އޭނާ ވަނީ އެދިވަޑައިގެންފަ އެވެ.
އިތާ ފެނުން ސަރަހައްދު
އޭނާ އިތުރަށް ފާހަގަ ކުރެއްވި ގޮތުގައި އޭނާ އޭގެ ތެރެއިން ބައެއް އިތާތައް ނަގައިގެން ކައިފާވާ ކަމަށާއި އޭގެ މަހަކީ ވަރަށް މީރު މަހެއް ކަމުގައި އެވެ.
އޭނާ ވަނީ އެތަނަށްދާ މީހުން ވީހާވެސް ގިނައިން އިތާ ނަގައިގެން ބޭނުން ކުރުމަށާއި އެހެން ހެދުމުން އެ ހިސާބުން އިތާތައް މަދުވެ އަނެއްކާ އެ ސަރަހައްދު ރައްކާތެރިވުން އެކަށީގެންވާ ކަމަށް ފާހަގަ ކުރައްވާފައި އެވެ
މުސްތޮފާ އިތުރަށް ފާހަގަ ކުރެއްވިގޮތުގައި އޭތި ނެގުމަށްޓަކާއި އިތާ ކުޑަކޮށް ތަޅުވާލުމަށް އޭތި ދަމައިގަމުތުން އޭތި ނެގޭނެ ކަމުގަ އެވެ.
