މިއީ ޑެންމާކްގެ ބާރުގެ ދަށުގައި އޮންނަ ގްރީންލެންޑް އެމެރިކާގެ މިލްކިއްޔާތަކަށް ހެދުމަށް ޓްރަމްޕް ކުރައްވަމުން ގެންދަވާ މަސައްކަތުގެ ތެރެއިން އާންމުކުރެއްވި ފޮޓޯއެކެވެ.
ޓްރޫތު ސޯޝަލްގައި ޓްރަމްޕް ހިއްސާކުރެއްވި މި ފޮޓޯއިން ފެންނަނީ، އޭނާއާއި ނައިބު ރައީސް ޖޭޑީ ވެންސްގެ އިތުރުން ސެކްރެޓަރީ އޮފް ސްޓޭޓް މާކޯ ރޫބިއޯ ގްރީންލެންޑްގައި އެމެރިކާ ދިދަ ޖަހާ މަންޒަރެވެ. އަދި އެ ފޮޓޯގައި ފެންނަ ބޯޑެއްގައި، 2026 ވަނަ އަހަރު ގްރީންލެންޑް އެމެރިކާގެ ޓެރިޓަރީއެއްގެ ގޮތުގައި ކަނޑައަޅާފައިވާ ކަމަށް ލިޔެފައިވެއެވެ.
މި މައްސަލައިގައި ޔޫރަޕްގެ ގައުމުތަކާ ދެމެދު ނުތަނަވަސްކަން އުފެދިފައިވާއިރު، ޓްރަމްޕް ވަނީ ވަރުގަދަ އިންޒާރުތަކެއް ވެސް ދެއްވާފައެވެ. އެގޮތުން ގްރީންލެންޑް އެމެރިކާއަށް ދިނުމަށް އެއްބަސްނުވެއްޖެ ނަމަ، އިނގިރޭސިވިލާތާއި ޑެންމާކް އަދި ޔޫރަޕްގެ އެހެން ގައުމުތަކުން އެމެރިކާއަށް އެތެރެކުރާ މުދަލުން 10 ޕަސަންޓާއި 25 ޕަސަންޓާ ދެމެދުގެ އަދަދަކަށް ޓެކްސް ނަގާނެ ކަމަށް ޓްރަމްޕް ވަނީ ވިދާޅުވެފައެވެ.
ޓްރަމްޕު އާންމުކުރެއްވި ދެ ވަނަ އޭއައި ފޮޓޯ
މީގެ އިތުރުން ޓްރަމްޕް ވަނީ ޔޫރަޕްގެ ލީޑަރުންނާ އެކު އޯވަލް އޮފީހުގައި ތިއްބަވާ ތަން ފެންނަ އެހެން އޭއައި ފޮޓޯއެއް ވެސް ހިއްސާކުރައްވާފައެވެ. އެ ފޮޓޯގައި ފެންނަ ޗާޓެއްގައި ގްރީންލެންޑާއި ކެނެޑާގެ އިތުރުން ވެެނެޒުއެލާގައި ވެސް ވަނީ އެމެރިކާގެ ދިދަ ކުރަހާފައެވެ.
