ރައީސް މިފަދައިން ވިދާޅުވީ، ސާފު ހަކަތައިގެ ދުވަހުގެ މުނާސަބަތުގައި ސޯޝަލް މީޑިއާގައި ހިއްސާކުރެއްވި ޕޯސްޓެއްގަ އެވެ.
ރައީސް ކުރެއްވި ޕޯސްޓެއްގައި ވިދާޅުވީ މި ދުވަސް ހަނދާންކޮށްދެނީ ދެމެހެއްޓެނިވި އަދި ސިއްހަތަށް ފައިދާހުރި ދުނިޔެއެއް ބިނާ ކުރުމަށް ސާފު ހަކަތައެއްގެ މުހިންމުކަން ކަމަށެވެ.
ސާފު ހަކަތައިގެ ނިޒާމަކުން ފައިދާކުރަނީ ހަމައެކަނި ކްލައިމެޓް ނުވަތަ ތިމާވެއްޓަށް އެކަނި ނޫން ކަމަށާއި އޭގެ ފައިދާ ސިއްހީ، ތައުލީމީ އަދި އިގްތިސާދީ ދާއިރާއިން ފެންނާނެކަމަށް ރައީސް ވިދާޅުވި އެވެ.
ރައީސުލްޖުމްހޫރިއްޔާގެ މެސެޖު ނިންމަވާލައްވާލެއްވީ، ދުނިޔެ ހިމާޔަތްކުރުމަށްޓަކައި، އިއާދަކުރަނިވި ހަކަތައަށް ބަދަލުވުމަށް ކުރެވޭ މަސައްކަތް ހަރުދަނާކޮށް، އެންމެން އެކުގައި މަސައްކަތްކުރުމަށް ގޮވާލައްވަމުންނެވެ.
ސަރުކާރުގެ ލަނޑުދަނޑިއަކީ 2028 ވަނަ އަހަރު އަންނައިރު ރާއްޖޭގައި ބޭނުންކުރާ ހަކަތައަކީ 33 އިންސައްތަ އިއާދަކުރަނިވި ހަކަތައަށް ބަދަލު ކުރުމެވެ.
